পুনৰ সংকটত আপ নেতা! ৯ ঘণ্টা ধৰি ইডিৰ জেৰা নেতা অমনাতুল্লাহক

পুনৰ সংকটত আপ নেতা! ৯ ঘণ্টা ধৰি ইডিৰ জেৰা নেতা অমনাতুল্লাহক

Facebook
Twitter
LinkedIn
Facebook
Twitter
LinkedIn

পুনৰ সংকটত আপ নেতা! ৯ ঘণ্টা ধৰি ইডিৰ জেৰা নেতা অমনাতুল্লাহক

আম আদমি পাৰ্টিৰ বিধায়ক অমনাতুল্লাহ খানক ইডিৰ জেৰা অব্যাহত আছে। আজি প্ৰায় ৯ ঘণ্টা ধৰি অমানাতুল্লাহ খানক ইডিৰ জেৰা চলি আছে। আম আদমি পাৰ্টিৰ বিধায়ক অমানতুল্লাহ খান আজি বৃহস্পতিবাৰে বলবৎকাৰী সঞ্চালকালয় (ইডি)ৰ কাৰ্যালয়ত ধন সৰবৰাহৰ গোচৰৰ সোধা-পোছাৰ বাবে হাজিৰ হৈছিল।

বিগত সপ্তাহত উচ্চতম ন্যায়ালয়ে দিল্লী ৱাকফ ব’ৰ্ডত খানৰ অধ্যক্ষতা কালত সংঘটিত হোৱা সুৰা কেলেংকাৰীৰ সৈতে জড়িত গোচৰটোত আপ বিধায়কগৰাকীৰ আগতীয়া জামিন আবেদন বিবেচনা কৰিবলৈ অস্বীকাৰ কৰিছিল, তাৰ পিছত এতিয়া তেওঁক জেৰা কৰা হৈছে।

১৮ এপ্ৰিলত উচ্চতম ন্যায়ালয়ে অমনাতুল্লাহক তদন্তত যোগদান কৰিবলৈ নিৰ্দেশ দিছিল। ইডি কাৰ্যালয়ত প্ৰৱেশ কৰাৰ পূৰ্বে সাংবাদিকৰ সন্মুখত কৈছিল যে, যেতিয়া তেওঁ ৱাকফ ব’ৰ্ডৰ অধ্যক্ষ আছিল তেতিয়া তেওঁ নিয়ম মানি চলিছিল আৰু আইনী মতামত লোৱাৰ পিছতহে ২০১৩ চনত অহা নতুন আইন (ব’ৰ্ডৰ বাবে) অনুসৰি কাম কৰিছিল।

খানৰ বিৰুদ্ধে ধন সৰবৰাহৰ গোচৰটো কেন্দ্ৰীয় তদন্তকাৰী সংস্থা (চিবিআই)ৰ এফআইআৰ আৰু দিল্লী আৰক্ষীৰ তিনিটা অভিযোগৰ সৈতে জড়িত।

ইডিয়ে দাবী কৰিছে যে খানে দিল্লী ৱাকফ ব’ৰ্ডত কৰ্মচাৰীক অবৈধভাৱে নিযুক্তি দি নগদ ধনেৰে বিপুল পৰিমাণৰ ধন উপাৰ্জন কৰিছিল আৰু সেই ধনৰাশি বিনিয়োগ কৰি সহযোগীসকলৰ নামত স্থাৱৰ সম্পত্তি ক্ৰয় কৰিছিল। খানৰ চৌহদতো অভিযান চলাইছে ইডিয়ে।

উল্লেখ্য যে, উচচতম ন্যায়ালয়ে ১৫ এপ্ৰিলৰ নিৰ্দেশত খানক কোনো ধৰণৰ সকাহ দিবলৈ অস্বীকাৰ কৰিছিল আৰু ইডিৰ চমনত বিধায়কগৰাকীয়ে উপস্থিত নোহোৱাত অসন্তুষ্টি প্ৰকাশ কৰিছিল।

বিচাৰপীঠে খানৰ অধিবক্তাক বাৰে বাৰে চমন জাৰি কৰাৰ পাছতো হাজিৰ নোহোৱাৰ বাবে জবাবদিহি কৰিছিল। লগতে এই কাৰ্যক ভুল বুলি অবিহিত কৰি ইয়াত কোনো ক্ষমা নাই বুলি কৈছিল ন্যায়লয়ৰ পৰা।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *