কোভিশ্বীল্ডৰ ওপৰত বিবাদ চলি থকাৰ সময়তে এইবাৰ কোভেক্সিনৰ ফালৰ পৰা এই মন্তব্য

কোভিশ্বীল্ডৰ ওপৰত বিবাদ চলি থকাৰ সময়তে এইবাৰ কোভেক্সিনৰ ফালৰ পৰা এই মন্তব্য

Facebook
Twitter
LinkedIn
Facebook
Twitter
LinkedIn

কোভিশ্বীল্ডৰ ওপৰত বিবাদ চলি থকাৰ সময়তে এইবাৰ কোভেক্সিনৰ ফালৰ পৰা এই মন্তব্য

বিশ্বজুৰি তোলপাৰ লগোৱা কোভিশ্বীল্ডৰ পাৰ্শ্বক্ৰিয়াৰ কথা সদৰি হোৱাৰ পাছতে এইবাৰ ভাৰতত প্ৰস্তুত হোৱা কোভেক্সিনৰ ফালৰ পৰা আহিছে মন্তব্য। কৰ’ণা ভাইৰাছৰ পৰা ৰক্ষা পাবলৈ কোভেক্সিন প্ৰস্তুত কৰা ভাৰত বায়’টেকে এই ভেকচিনৰ সুৰক্ষা সন্দৰ্ভত জনস্বাৰ্থত এক নিজাকৈ বিবৃতি প্ৰকাশ কৰিছে।

ভাৰতৰ এষ্ট্ৰোজেনেকা (EstroZeneca) আৰু কোভিশ্বীল্ড (Covishield) ৰ ওপৰত প্ৰশ্ন উত্থাপন হোৱাৰ পিছত কোভেক্সিন (Covaxin) প্ৰস্তুত কৰা কোম্পানী ভাৰত বায়’টেকে দাবী কৰে যে তেওঁলোকৰ ক’ৰ’ণা ভেকচিনৰ পৰা তেজ জমা হোৱা, থ্ৰম্ব’চাইট’মেনিয়া, টিটিএছ, ৱাইটিটি, পেৰিকাৰ্ডিটিছ, মায়’কাৰ্ডিটিছ আদিৰ কোনো আশংকা নাই।

ভাৰত বায়’টেকে কয় যে তেওঁলোকৰ বাবে সুৰক্ষাই প্ৰথম স্থান লাভ কৰে। কোম্পানীটোৱে লগতে ইয়াকো কয় যে কোভাক্সিনেই একমাত্ৰ ভেকচিন, যি ভাৰতত পৰীক্ষা কৰা হৈছিল।

উল্লেখযোগ্য যে বুধবাৰে উচ্চতম ন্যায়ালয়ত এখন আবেদন দাখিল কৰি উচ্চতম ন্যায়ালয়ৰ এজন অৱসৰপ্ৰাপ্ত ন্যায়াধীশৰ তত্বাৱধানত এখন চিকিৎসা বিশেষজ্ঞ সমিতি গঠন কৰি কোভিশ্বিল্ড ভেকচিনৰ যিকোনো সম্ভাৱ্য পাৰ্শ্বক্ৰিয়া আৰু বিপদজনক কাৰকৰ তদন্ত কৰিবলৈ অনুৰোধ জনোৱা হয়।

আবেদনখনত উল্লেখ কৰা অনুসৰি ব্ৰিটেইনৰ মুখ্য কাৰ্যালয় থকা ফাৰ্মাচিউটিকেল কোম্পানী ‘এষ্ট্ৰাজেনেকা’ই কয় যে তেওঁলোকৰ কভিড-১৯ৰ ভেকচিনৰ ফলত প্লেটলেটৰ সংখ্যা কম হোৱাৰ লগতে অতি বিৰল ক্ষেত্ৰত তেজ জমা হ’ব পাৰে। এই ভেকচিন ভাৰতত কোভিশ্বীল্ড (Covishield) নামেৰে অনুজ্ঞাপত্ৰৰে প্ৰস্তুত কৰা হৈছিল।

অধিবক্তা বিশাল তিৱাৰীয়ে দাখিল কৰা আৱেদনত কেন্দ্ৰক অনুৰোধ জনাইছে যে যিসকল গুৰুতৰভাৱে অক্ষম বা যিসকল কভিড (Covid) ৰ সময়ত প্ৰয়োগ কৰা ভেকচিনৰ কোনো পাৰ্শ্বক্ৰিয়াৰ বাবে মৃত্যুমুখত পৰিছে তেওঁলোকক ক্ষতিপূৰণ দিবলৈ কেন্দ্ৰক নিৰ্দেশ দিব লাগে।

ইয়াৰ দাবী যে এষ্ট্ৰাজেনেকাই ভেকচিন আৰু থ্ৰম্ব’ছিছৰ মাজত থ্ৰম্ব’চাইট’পেনিয়া চিনড্ৰমৰ সৈতে সম্পৰ্ক স্বীকাৰ কৰিছে, যিটো চিকিৎসাজনিত অৱস্থাৰ বৈশিষ্ট্য হৈছে প্লেটলেটৰ মাত্ৰা অস্বাভাৱিকভাৱে কম হোৱা আৰু তেজৰ গোট গঠন হোৱা।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *