আয়ুস্মানক প্ৰত্যাহ্বান চিৰঞ্জীৱীৰ, আয়ুস্মানে দিব ৫ লাখ-চিৰঞ্জীৱীয়ে দিব ২৫ লাখ- কংগ্ৰেছ

আয়ুস্মানক প্ৰত্যাহ্বান চিৰঞ্জীৱীৰ, আয়ুস্মানে দিব ৫ লাখ-চিৰঞ্জীৱীয়ে দিব ২৫ লাখ- কংগ্ৰেছ

Facebook
Twitter
LinkedIn
Facebook
Twitter
LinkedIn

বিজেপিৰ আয়ুস্মান কাৰ্ডক (Ayushman Bharat Scheme) প্ৰত্যাহ্বান জনাবলৈ কংগ্ৰেছৰ ফালৰ পৰা আহিব চিৰঞ্জীৱী যোজনা (Chiranjeevi Swasthya Bima Yojana) । বৰ্তমানে বিজেপিয়ে আয়ুস্মান কাৰ্ডত দিয়ে ৫ লাখ টকাৰ জীৱন বীমা। সেই জীৱন বীমাক প্ৰত্যাহ্বান জনাই কংগ্ৰেছে আজি ঘোষণা কৰে চিৰঞ্জীৱী যোজনা। এই যোজনাত থাকিব ২৫ লাখ টকাৰ বীমা।

বিজেপিৰ আঁচনিক প্ৰত্যাহ্বান জনাই আজি কংগ্ৰেছৰ ফালৰ পৰা ঘোষণাপত্ৰ সদৰি কৰে। লোকসভা নিৰ্বাচনক আগত ৰাখি এই ঘোষণাপত্ৰ সদৰি কৰে কংগ্ৰেছ দলৰ অধ্যক্ষ মল্লিকাৰ্জুন খাৰ্গেই। এই ঘোষণাপত্ৰতেই থকা অন্য বহু প্ৰতিশ্ৰুতিৰ মাজৰ সবাতোকৈ উল্লেখনীয় হৈছে জীৱন বীমাৰ যোজনা।

কংগ্ৰেছে দিয়া এই প্ৰতিশ্ৰুতি তেতিয়া লগে লগেই কাৰ্যকৰী কৰিব , যেতিয়া লোকসভাৰ এই নিৰ্বাচনত তেঁওলোক যদি জয়ী হৈ শাসনলৈ আহে। আজি সদৰি কৰা ঘোষণাপত্ৰত কংগ্ৰেছে কয় যে, এই ঘোষণাপত্ৰত থকা চিৰঞ্জীৱী যোজনাৰ অধীনত নাগৰিকে চৰকাৰী হাস্পতাল, ক্লিনিক, প্ৰাথমিক স্বাস্থ্য কেন্দ্ৰ, মোবাইল হেল্থ ইউনিট, মেডিকেল ষ্টোৰ্চ, স্বাস্থ্য শিবিৰ আদিত বিনামুলীয়া চিকিৎসা সেৱা লাভ কৰিব।

উল্লেখ্য যে, লোকসভা নিৰ্বাচনৰ অংশ হিচাপে শুকুৰবাৰে কংগ্ৰেছ দলে ন্যায় পত্ৰৰ নামত এখন ইস্তাহাৰ প্ৰকাশ কৰে, য’ত ৰাহুল গান্ধী, ছোনিয়া গান্ধী, কংগ্ৰেছ দলৰ ৰাষ্ট্ৰীয় সভাপতি মল্লিকাৰ্জুন খৰ্গে আৰু দলৰ সাধাৰণ সম্পাদক কে চি ভেনুগোপাল উপস্থিত থাকে।

এইবাৰৰ ইস্তাহাৰত কংগ্ৰেছে ২৫ টা নিশ্চয়তা দিছে। কংগ্ৰেছৰ মতে, এই ঘোষণাপত্ৰত কংগ্ৰেছে ৫ প্ৰকাৰৰ ন্যায় সংলগ্ন কৰিছে – ‘অধিকাৰ ন্যায়’, ‘কৃষকৰ ন্যায়’, ‘মহিলাৰ ন্যায়’, ‘শ্ৰমিক ন্যায়’ আৰু ‘যুৱ ন্যায়’।

লগতে ইয়াকো কয় যে, যদিহে কংগ্ৰেছ ক্ষমতালৈ আহে, তেন্তে দলটোৱে “জাতি আৰু উপজাতি আৰু ইয়াৰ আৰ্থ-সামাজিক অৱস্থা চিনাক্ত কৰিবলৈ” দেশজুৰি জাতিগত লোকপিয়ল কৰিব। কংগ্ৰেছে কয় যে তথ্যৰ ভিত্তিত যিবোৰ জাতিক সঁহাৰিমূলক ব্যৱস্থাৰ প্ৰয়োজন হয়, সেইবোৰৰ বাবে এজেণ্ডা শক্তিশালী কৰিব। কংগ্ৰেছে জাতি লোকপিয়ল কৰি সংৰক্ষণৰ ওপৰত ৫০ শতাংশ সীমা আঁতৰাই পেলাব।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *