প্ৰধানমন্ত্ৰী মোদীয়ে নিজকে OBC বুলি আভুৱা ভাৰিছে, মোদী কিয় OBC নহয় প্ৰমাণ দাঙি ধৰিলে ৰাহুল গান্ধীয়ে

প্ৰধানমন্ত্ৰী মোদীয়ে নিজকে OBC বুলি আভুৱা ভাৰিছে, মোদী কিয় OBC নহয় প্ৰমাণ দাঙি ধৰিলে ৰাহুল গান্ধীয়ে

Facebook
Twitter
LinkedIn
Facebook
Twitter
LinkedIn

NB NEWS- মোদী উপাধিৰ সকলো ব্যক্তিয়েই কিয় চোৰ বুলি কৈ সাংসদ পদ হেৰুৱাইছিল ৰাহুলে। বহু যুঁজ বাগৰৰ অন্তত সাংসদ পদ উভতাই পোৱাৰ পাছতেই ৰাহুলে দ্বিতীয়বাৰৰ বাবে আৰম্ভ কৰিছে ভাৰত জোড়ো ন্যায় যাত্ৰা। ভাৰত জোড়ো ন্যায় যাত্ৰাত ৰাহুলে আকৌ এবাৰ মোদীক টাৰ্গেট কৰি কৰিছে বিশেষ মন্তব্য। কংগ্ৰেছ নেতা ৰাহুল গান্ধীয়ে এইবাৰ প্ৰধানমন্ত্ৰী নৰেন্দ্ৰ মোদীৰ বিৰুদ্ধে জাতিগত পৰিচয় ভুৱা বুলি মন্তব্য কৰিছে।

ওড়িশাৰ ঝাড়ছুগুৰাত ভাৰত জোড়ো ন্যায় যাত্ৰাৰ এখন সভাত ৰাহুলে বৃহস্পতিবাৰে কয়, ‘প্ৰধানমন্ত্ৰী নৰেন্দ্ৰ মোদীয়ে তেওঁৰ জাতিগত পৰিচয়ক লৈ ইমান দিনে মিছা তথ্য দি আহিছে। মোদী প্ৰকৃততে অবিচি নহয়। সাধাৰণ শ্ৰেণীৰহে লোক মোদী।’ ইয়াৰপাছতেই মোদী সম্পৰ্কে তেওঁ কিয় এই অভিযোগ আনিছে সেই সম্পৰ্কেও বুজাই কয়। প্ৰাক্তন কংগ্ৰেছ সভাপতি ৰাহুলে কয়, ‘মোদীয়ে অন্যান্য অনগ্ৰসৰ গোষ্ঠীৰ ঘৰত জন্মগ্ৰহণ কৰা নাই। গুজৰাটৰ সাধাৰণ শ্ৰেণীভুক্ত তেলি পৰিয়ালত মোদীৰ জন্ম। ২০০০ চনত গুজৰাটৰ বিজেপি চৰকাৰে সেই জনগোষ্ঠীক অবিচি শ্ৰেণীভুক্ত কৰিছিল।’

ৰাহুলৰ এই মন্তব্যৰ পাছতেই বিজেপি দলৰ একাংশই সমালোচনা কৰিলেও ৰাজনৈতিক বিশেষজ্ঞসকলৰ দাবী যে ৰাহুলে এই তথ্য ভুলকৈ দিয়া নাই। মোদী যি মোধ ঘান্সি তেলি জাতিৰ অন্তৰ্ভূক্ত সেই জাতিটোৱে বিজেপিৰ দিনতেই অবিচিৰ প্ৰমাণপত্ৰ লাভ কৰিছ। ঘটনাচক্ৰত এক দশক ধৰি মোদীয়ে ৰাজনৈতিক ময়দানৰ নিজকে প্ৰান্তীয় জাতি বুলি পৰিচয় দি আহিছে।

২০১৪ চনৰ লোকসভা নিৰ্বাচনৰ প্ৰচাৰত মোদীৰ বিৰুদ্ধে কংগ্ৰেছ নেত্ৰী প্ৰিয়ংকা গান্ধীয়েও এই অভিযোগ আনিছিল। প্ৰিয়ংকাই কৈছিল ক্ষুদ্ৰ মানসিকতাৰে ৰাজনীতি কৰিছে মোদীয়ে। তেতিয়াই সেই আক্ৰমণৰ উত্তৰত মোদীয়ে কৈছিল যে প্ৰিয়ংকাই তেওঁক তল জাতৰ মানুহ বুলি উপলুঙা কৰিছে। কংগ্ৰেছক তল জাতিৰ মানুহক উপলুঙা কৰাৰ অধিকাৰ কোনে দিলে বুলিও কংগ্ৰেছৰ বিৰুদ্ধে অভিযোগ দাখিল কৰিছিল প্রধানমন্ত্ৰী মোদীয়ে।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *