ধন-সম্পত্তি সকলোঃ কংগ্ৰেছ-বিজেপিৰ ওচৰত আছে ৯হাজাৰ কোটি টকা…

ধন-সম্পত্তি সকলোঃ কংগ্ৰেছ-বিজেপিৰ ওচৰত আছে ৯হাজাৰ কোটি টকা…

Facebook
Twitter
LinkedIn
Facebook
Twitter
LinkedIn

ডিজিটেল ডেস্কঃ আপুনি বাৰু কেতিয়াবা ভাৱিছেনে! আমাৰ ৰাজনৈতিক দলবোৰৰ হাতত কিমান টকা জমা আছে! কিমান সম্পত্তিৰ গৰাকী কংগ্ৰেছ, বিজেপিৰ দৰে বৃহত ৰাজনৈতিক দলবোৰ! শেহতীয়াকৈ ৰাজহুৱা তথ্য অনুসৰি কংগ্ৰেছৰ হাতত জমা থকা ধনৰ পৰিমাণ অতিপাত গতিত হ্ৰাস পোৱাৰ বিপৰীতে বহুগুণ জমা ধনৰ পৰিমাণ বৃদ্ধি পাইছে বৰ্তমানৰ শাসকীয় বিজেপি দলৰ।

এছচিয়েশ্যন ফৰ ডেমক্ৰেটিক ৰিফৰ্মছ (ADR)এ মুকলি কৰা তথ্য অনুসৰি বিগত ৬বছৰত কংগ্ৰেছৰ দলীয় পুজিঁৰ পৰিমাণ অতিপাত গতিত হ্ৰাস পাইছে। ২০১৪-১৫বিত্তীয় বৰ্ষত কংগ্ৰেছৰ পলিটিকেল ফাণ্ডিং আছিল ৭৬৫কোটি টকা। কিন্তু ইয়াৰ তিনি বছৰৰ পাছতে ২০১৭-১৮ বিত্তীয় বৰ্ষত কংগ্ৰেছৰ পাৰ্টি ফাণ্ডিং আছিল মাত্ৰ ১৯৯কোটি টকা। ২০১৯-২০ত লোকসভা নিৰ্বাচনৰ সময়ত কংগ্ৰেছৰ পাৰ্টি ফাণ্ডিং হৈছিল ৯৯৮কোটি টকা। কিন্তু লক্ষ্যণীয়ভাৱে ২০২১-২২বৰ্ষত কংগ্ৰেছৰ পাৰ্টি ফাণ্ডিং হ্ৰাস পাই হলগৈ ৫৪১কোটি টকা। বিগত ৬বছৰত এনেদৰেই হ্ৰাস পালে কংগ্ৰেছৰ পাৰ্টি ফাণ্ডিং। ৬বছৰত প্ৰায় ২৯শতাংশ হ্ৰাস পালে কংগ্ৰেছৰ পাৰ্টি ফাণ্ডিং।

কংগ্ৰেছৰ এই শোচনীয় অৱস্থাৰ বিপৰীতে বিজেপিৰ বাবে বিগত ৬বছৰ কাল জয় জয় ময় ময়। এ ডি আৰে মুকলি কৰা তথ্য অনুসৰি, ২০১৪-১৫বিত্তীয় বৰ্ষত বিজেপিৰ পলিটিকেল ফাণ্ডিং আছিল ৯৭০কোটি টকা। ২০১৭-১৮চনত এই ধনৰ পৰিমাণ বৃদ্ধি হৈ হলগৈ ১০২৭কোটি টকা। ২০১৯-২০চনৰ লোকসভা নিৰ্বাচনৰ সময়ত এই পুজিৰ পৰিমাণ প্ৰায় ৩গুণ বৃদ্ধি হৈ বিজেপিৰ একাউন্টত জমা হল ৩হাজাৰ ৬২৩কোটি টকা। কিন্তু ২০২১-২২বিত্তীয় বৰ্ষত এই ধনৰ পৰিমাণ হ্ৰাস পালে। এই বছৰটোত বিজেপিৰ পাৰ্টি ফাণ্ডিঙৰ পৰিমাণ ১৯১৭কোটি টকা।

উল্লেখ কৰা প্ৰয়োজন যে, স্থায়ী সম্পত্তিৰ ক্ষেত্ৰত বিজেপিতকৈ বহু পিচ পৰি আছে কংগ্ৰেছ। ২০২১-২২চনৰ তথ্য অনুসৰি বিজেপিৰ স্থায়ী সম্পত্তিৰ পৰিমাণ ৬হাজাৰ কোটি আৰু কংগ্ৰেছৰ এই সম্পত্তিৰ পৰিমাণ হৈছে ৮০৫কোটি টকা।

Tags:

Tags:

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *