তিল তিলকৈ শেষ হ’ব শত্ৰু দেশৰ সৈনিক! প্ৰথম বিশ্বযুদ্ধত ব্যৱহাৰ কৰা বিষাক্ত গেছ ব্যৱহাৰ কৰিছে ৰাছিয়াই 

তিল তিলকৈ শেষ হ’ব শত্ৰু দেশৰ সৈনিক! প্ৰথম বিশ্বযুদ্ধত ব্যৱহাৰ কৰা বিষাক্ত গেছ ব্যৱহাৰ কৰিছে ৰাছিয়াই 

Facebook
Twitter
LinkedIn
Facebook
Twitter
LinkedIn

NB NEWS- প্ৰচলিত ধাৰণা, প্ৰেম আৰু যুদ্ধৰ ৰণনীতিয়ে কাহানিও কোনো নিয়ম নামানে৷ সাধাৰণভাৱে যি নীতিয়ে এখন সমাজক বান্ধি ৰাখে সেই নীতি নিয়ম উলংঘা কৰে প্ৰেমে, সেই নীতি নিয়ম উলংঘা কৰে যুদ্ধই৷ নিয়ম ভঙাৰেই খেল যুদ্ধ আৰু প্ৰেম৷ এই কথাই আকৌ এবাৰ দেখিবলৈ পোৱা গৈছে ইউক্ৰেইন-ৰাছিয়াৰ যুদ্ধত৷

ৰাছিয়াৰ বিৰুদ্ধে উত্থাপিত অভিযোগমতে ইউক্ৰেইনৰ সেনাৰ ওপৰত ৰাসায়নিক গেছ হাথিয়াৰ হিচাপে ব্যৱহাৰ কৰা হৈছে৷ এই বিষয়ে মস্কোক কাঠগৰাত তুলিছে আমেৰিকাই৷ আমেৰিকাৰ অভিযোগ যে ৰাছিয়াই যুদ্ধক্ষেত্ৰত ক্লৰপিকৰিন ব্যৱহাৰ কৰিছে৷ কন্দোৱা গেছ হিচাপে ব্যৱহাৰ কৰা হৈছে নাইট্ৰক্লৰফৰ্মো৷

নাইট্ৰক্লৰফৰ্মক বায়ট কন্ট্ৰল এজেণ্টো কোৱা হয়৷ বিভিন্ন দেশত অবৈধ সমাবেশ আঁতৰাবলৈ এই গেছ ব্যৱহাৰ কৰা হয়৷ এই গেছৰ কাৰণে চকুৰ পৰা অবিৰত পানী পৰা, চকু জ্বলা-পোৰা কৰা, ছালত দাগ হোৱা আদি উপসৰ্গই দেখা দিয়ে৷ অধিক মাত্ৰাত এই গেছ ব্যৱহাৰ কৰিলে হাওঁফাওঁৰো ক্ষতি হ’ব পাৰে৷

ৰাছিয়াৰ বিৰুদ্ধে অভিযোগ, ইউক্ৰেইনৰ সেনাবাহিনীক ছত্ৰভংগ কৰিবলৈকে এই গেছ ব্যৱহাৰ কৰিছে ৰুছ বাহিনীয়ে৷ এই গেছে বিপক্ষ শিৱিৰৰ সেনাক কাবু কৰি যুদ্ধৰ কৌশলগত ক্ষেত্ৰত ৰাছিয়াই আগবাঢ়িবলৈ চেষ্টা চলাইছে৷ আমেৰিকাই এই সন্দৰ্ভত দিয়া বক্তব্যত কয়, যুদ্ধক্ষেত্ৰত সেনাবাহিনীৰ ঘাটিত এই কাম কৰি আছে ৰাছিয়াই৷ খুব কম পৰিসৰৰ মাজত যদি এই গেছ ব্যৱহাৰ কৰা হয় তেন্তে শ্বাসপ্ৰশ্বাসত অসুবিধা হৈ সেনাৰ মৃত্যু পৰ্যন্ত হ’ব পাৰে৷

সাম্ভাৱ্য ক্ষয়ক্ষতি কমাবলৈ সেয়ে সেনাসকলক মাস্ক পৰিধান কৰাৰ পৰামৰ্শ দিছে ইউক্ৰেইনৰ প্ৰতিৰক্ষা দপ্তৰে৷ ৰাছিয়াই অৱশ্যে তেওঁলোকৰ বিৰুদ্ধে উঠা এই অভিযোগ ভিত্তিহীন বুলি দাবী কৰিছে৷ আমেৰিকাই কৰা বিশেষ দাবীক গুৰুত্ব দিছে  ইউৰোপৰ ৰাষ্ট্ৰসমূহেও৷ ফ্ৰান্সৰ প্ৰেছিডেণ্ট ইমানুৱেল মেক্ৰণে ধমকিৰ সুৰেৰে কয়, ‘ৰাছিয়াই যদি গাৰ জোৰ দেখুৱাই তেন্তে ইউক্ৰেইনৰ সহায়ৰ দৰকাৰ হ’লে আমি ফ্ৰান্স বাহিনী তাত নমাই দিম৷’

আমেৰিকাৰ দাবী যুদ্ধত এই ৰাসায়নিক অস্ত্ৰ ব্যৱহাৰ কৰি কেমিকেল ৱেপনছ কনভেনশ্ব্যন ৰ চৰ্ত ভংগ কৰিছে ভ্লাডিমিৰ পুটিনৰ দেশে৷ ৰাছিয়াৰ দাবী তেওঁলোকে দীৰ্ঘদিন ধৰি চি-ডব্লিও মানি চলিছে৷ ১৯৩খন দেশে এই চুক্তিত স্বাক্ষৰ কৰি থৈছে৷ এই সকলো দেশেই নিয়ম মানি চলি আছেনে নাই সেয়া চাবৰ বাবেই আছে এটা বিশেষ সংস্থা৷ সেই সংস্থাৰ নাম হৈছে অৰ্গেনাইজেশ্ব্যন ফৰ দ্যা প্ৰহিবিছন অৱ কেমিকেল ৱেপনছ৷ আমেৰিকাই যি ৰাসায়নিকৰ নাম হৈছে সেয়া ক্লৰপিকৰিন৷ প্ৰথম বিশ্বযুদ্ধত সেই কেমিকেল ব্যৱহাৰ হৈছিল৷ এইবিধ এবিধ তৈলাক্ত পদাৰ্থ৷ এই পদাৰ্থ শৰীৰত প্ৰৱেশ কৰিলে বমি হোৱা আৰম্ভ হয়৷ ইয়াৰোপৰি ডায়েৰিয়া, মূৰ ঘুৰোৱা আদি সমস্যাইয়ো দেখা দিয়ে৷

চি-ডব্লিউচি অনুসৰি যুদ্ধত ক্লৰপিকৰিনৰ ব্যৱহাৰ একেবাৰে নিষিদ্ধ৷ ওপিচি-ডব্লিউৰ তালিকাত চেকিং এজেণ্টৰ কথাও উল্লেখ আছে৷ আমেৰিকাৰ বৈদেশিক মন্ত্ৰণালয়ে কৰা দাবীমতে, মস্কোৱে নিয়মিতভাৱে এই কেমিকেল ব্যৱহাৰ কৰি আছে৷ ৰাসায়নিক অস্ত্ৰ ব্যৱহাৰ কৰাক লৈ ৰাছিয়াক সতৰ্ক কৰিছে আমেৰিকাই৷ যুদ্ধ আৰম্ভৰ পাছৰে পৰাই অৰ্থাৎ ২০২২ চনৰ মাৰ্চ মাহৰ পৰাই আমেৰিকাৰ প্ৰেছিডেণ্ট জ’ বাইডেনে বিশ্ববাসীক জনাই আহিছে এই তথ্য৷ জ’ বাইডেনে স্পষ্টকৈ জনাই আহিছে, ‘ৰাসায়নিক অস্ত্ৰ ব্যৱহাৰ কৰিলে ৰাছিয়াই কিন্তু ক্ষতিপূৰণ এদিন ভৰিব লাগিব৷ তেওঁলোকে যি কাম কৰিব তাৰ প্ৰতিদানো পাব৷ তেওঁলোকেও কিন্তু ভূগিব লাগিব৷’

ৰাছিয়াৰ ওচৰত থকা ৰাসায়নিক অস্ত্ৰ ভাণ্ডাৰ পৃথিৱীৰ ভিতৰতে অনন্য৷ ২০১৭ চনত প্ৰাক্তন ছোভিয়েট ইউনিয়নৰ এজন নেতাৰ ওপৰত ‘ছেলিচবাৰি এটেক’ৰ অভিযোগ উত্থাপিত হৈছিল৷ ২০২০ চনত তৎকালীন ৰুছ বিৰোধী নেতা এলেক্সেই নভালনিৰ ওপৰত নাৰ্ভ এজেণ্ট ব্যৱহাৰৰ অভিযোগো উত্থাপিত হৈছিল৷

 

Tags:

Tags:

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *