৫৫৭ বিধ ভাৰতীয় খাদ্যত পোৱা গৈছে কৰ্কট ৰোগৰ উপাদান! ইউৰোপীয় ইউনিয়নৰ প্ৰতিবেদনৰ পাছতেই বিশ্বত হাহাকাৰ

৫৫৭ বিধ ভাৰতীয় খাদ্যত পোৱা গৈছে কৰ্কট ৰোগৰ উপাদান! ইউৰোপীয় ইউনিয়নৰ প্ৰতিবেদনৰ পাছতেই বিশ্বত হাহাকাৰ

Facebook
Twitter
LinkedIn
Facebook
Twitter
LinkedIn

NB NEWS- ৫২৭ বিধ খাদ্যসামগ্ৰীত পোৱা গৈছে ক্ষতিকাৰক কেমিকেল৷ যিয়ে আনিব পাৰে কৰ্কটৰ দৰে মাৰণৰোগ৷ এই চাঞ্চল্য়কৰ দাবী কৰিছে ইউৰোপীয় ইউনিয়নৰ খাদ্য়সুৰক্ষা বিভাগে৷ এই বিষয়টোক লৈ বিগত কেইবাদিনো ধৰি অব্য়াহত আছে চৰ্চা৷ EEUৰ ৰিপৰ্টত কোৱা হৈছে যে ভাৰতৰ ৫২৭ বিধ খাদ্য়বস্তুত এই ক্ষতিকৰ পদাৰ্থ পোৱা গৈছে যি মানৱদেহৰ বাবে ক্ষতিকাৰক৷

এভাৰেষ্ট MDHসহ কেইবাটাও ভাৰতীয় মছলা প্ৰস্তুতকাৰক সংস্থাৰ পণ্য়ত নিৰ্ধাৰিত মাত্ৰাতকৈ বেছি পৰিমাণৰ ইথিলিন অক্সাইড পোৱা গৈছে৷ যাক লৈ গভীৰ উদ্বেগ প্ৰকাশ কৰিছে ইউৰোপীয় ইউনিয়নে৷ কাৰণ EEUৰ অন্তৰ্ভূক্ত দেশসমূহক খাদ্য়ত ইথালিন অক্সাইডৰ ব্য়ৱহাৰ নিষিদ্ধ৷ ইতিমধ্য়েই ভাৰতৰ পৰা যোৱা কেইবাবিধো খাদ্য় ভাৰতৰ পৰা ওলাই যোৱাৰ সময়ত সীমান্ততেই বাতিল কৰি দিয়া হৈছে৷ বজাৰতো কেইবাবিধ ভাৰতীয় পণ্য়ৰ বিক্ৰি বন্ধ কৰা হৈছে৷

কেইটামান দিনৰ পূৰ্বে ভাৰতৰ মছলা প্ৰস্তুতকাৰক সংস্থা এভাৰেষ্টৰ বিৰুদ্ধে মাৰাত্মক অভিযোগ আনিছিল ছিংগাপুৰৰ খাদ্য়সুৰক্ষা দপ্তৰে৷ সংস্থাৰ জনপ্ৰিয় ফিছকাৰি মছলাৰ বিপজ্জনক মাত্ৰাত কীটনাশক মিহলি কৰাৰ প্ৰমাণ লাভ কৰিছে৷ যাৰবাবে বিবৃত্তি জাৰি কৰি ভাৰতৰ পৰা যোৱা মছলাৰ আমদানি বন্ধ কৰিছে ছিংগাপুৰ চৰকাৰে৷

ক্ষতিকাৰক উপাদান মিহলি কৰাৰঅ অভিযোগ উঠিছে আন এক ভাৰতীয় মছলা উৎপাদনকাৰী সংস্থা MDHৰ বিৰুদ্ধেও৷ এই খবৰ প্ৰকাশ হোৱাৰ পাছতেই ভাৰতীয় খাদ্য় সামগ্ৰীক লৈ পৰীক্ষা-নিৰীক্ষা কৰিছে EEUৰ খাদ্য়সুৰক্ষা বিভাগে৷ ইয়াৰ পাছতেই এটা ৰিপৰ্ট দাখিল কৰা হৈছে৷ ৰিপৰ্টত প্ৰকাশ পোৱা অনুসৰি এথিলিন অক্সাইড সাধাৰণ কৃষিকামত কীটনাশক হিচাপে ব্য়ৱহাৰ কৰা হয়৷ বহু দেশত এই কীটনাশকৰ ব্য়ৱহাৰ নিষিদ্ধ৷ কিছুক্ষেত্ৰত অনুমোদনযোগ্য় পৰিমাণৰ ব্য়ৱহাৰৰ অনুমতি আছে৷

ছিংগাপুৰৰ খাদ্য় দপ্তৰৰ অভিযোগ আছিল, অনুমোদন অবিহনে বেছিকৈ কীটনাশক ব্য়ৱহাৰ কৰা হৈছে এভাৰেষ্ট ফিছ কাৰি মছালাত৷ যি মানুহৰ স্বাস্থ্য়ৰ বাবে খুবেই ক্ষতিকৰ৷ ভাৰতৰ মছলাৰ আমদানি বন্ধ কৰিবলৈ দিয়া বিবৃতিত ছিংগাপুৰে জনাইছে যে, যিসকলে এই মছলা খাদ্য়ত ব্য়ৱহাৰ কৰি আছে তেওঁলোকে চিকিৎসকৰ পৰামৰ্শ গ্ৰহণ কৰক৷

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *