জন্মতে মাতৃক হেৰুৱাই, ১২ বছৰত পিতৃক, অনাথ হৈ পৰাত খুৰিয়েকে কৰে বিক্ৰী, পাছলৈ দেশৰ ৰাণী

জন্মতে মাতৃক হেৰুৱাই, ১২ বছৰত পিতৃক, অনাথ হৈ পৰাত খুৰিয়েকে কৰে বিক্ৰী, পাছলৈ দেশৰ ৰাণী

Facebook
Twitter
LinkedIn
Facebook
Twitter
LinkedIn

জন্মতে মাতৃক হেৰুৱাই, ১২ বছৰত পিতৃক, অনাথ হৈ পৰাত খুৰিয়েকে কৰে বিক্ৰী, পাছলৈ দেশৰ ৰাণী

এগৰাকী এনে নাৰী, যাৰ জীৱনৰ আদি ছোৱা বহু দুখেৰে ভৰা, পাছলৈ সেই নাৰীয়ে হয়গৈ এখন প্ৰদেশৰ ৰাণী। পুত্ৰ হয়গৈ ৰজা। ১৮২০ চন। লক্ষ্ণৌৰ পৰা ১৫০ কিলোমিটাৰ দূৰৈৰ ফৈজাবাদত হজৰত মহম্মদৰ বংশধৰ বুলি দাবী কৰা দুখীয়া চৈয়দ পৰিয়ালৰ ঘৰত এগৰাকী ছোৱালীৰ জন্ম হয়। পৰিয়ালৰ লোকে ছোৱালীজনীৰ নাম ৰাখে মুহাম্মাদী খানম।

খানমক জন্ম দিয়েই মাতৃৰ মৃত্যু হয়। পিতৃয়ে কেঁচুৱা কন্যাক লৈ লক্ষ্ণৌলৈ গুচি যায় আৰু তাতেই নতুন জীৱন আৰম্ভ কৰে। কিন্তু ভাগ্যৰ বিড়ম্বনা, খানমৰ ১২ বছৰ বয়সতে পিতৃও শেষ নিশ্বাস ত্যাগ কৰে। অনাথ হৈ পৰে খানুম।

মাক-দেউতাকৰ মৃত্যুৰ পিছত অনাথ মুহাম্মাদী খানমক ডাঙৰ-দীঘল কৰাৰ দায়িত্ব খুৰাকৰ ওপৰত পৰে। কিন্তু আৰ্থিক সমস্যাৰ বাবে খুৰাকৰ অনুপস্থিতিত খুৰীয়েকে এদিন দুগৰাকী মহিলাৰ হাতত বিক্ৰী কৰি দিয়ে খানমক। সেই দুই মহিলাই খানমক লৈ যায় লক্ষৌৰ বিখ্যাত কোঠা থকা মহল্লাত।

সেই কোঠাতেই খানমক নৃত্যু গীতত পাৰ্গত কৰি ৰাজকীয় হাৰেমৰ বাবে প্ৰস্তুত কৰিবলৈ আৰম্ভ কৰিলে। সেই কোঠাতেই নৃত্য-গীতৰ প্ৰশিক্ষণ লোৱাৰ লগতে শিক্ষ গ্ৰহণো কৰে খানমে।

যেতিয়া মুহাম্মাদী খানমৰ বয়স ২৩ বছৰ হ’য়, তেতিয়া লক্ষৌৰ নবাব ৱাজিদ আলী শ্বাহৰ ৰাজকীয় হাৰেমত ‘পৰিখানা’ (সহায়িকা তথা মনোৰঞ্জন দিয়া) হিচাপে প্ৰৱেশ কৰে। সেই হাৰেমতেই ভাগ্যৰ চকৰি ঘূৰে খানমৰ। নিজৰ দক্ষতাৰে নবাব ৱাজিদ আলী শ্বাহৰ হৃদয় জয় কৰিবলৈ সক্ষম হয় খানমে।

কিছুদিনৰ পাছত নবাব ৱাজিদ আলী শ্বাহে মুহাম্মাদীক ‘মেহক পাৰি’ নাম দি বিবাহ কৰে। পিছলৈ খানম তথা মেহমদ পাৰিক ‘ইফতিখাৰ-উন-নিশা’ উপাধি দিয়া হয়। পিছলৈ মুহাম্মাদী খানম বেগম হজৰত মহল নামেৰে পৰিচিত হয়। শেষলৈ খানম তথা বেগম হজৰত মহলৰেই পুত্ৰৰ নামত নবাবৰ শাসনভাৰ যায়।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *