আনে যোৱা বাটেৰে নোযোৱা ফুটপাথত ‘ফুচকা’ বেচা ছোৱালীজনী…

আনে যোৱা বাটেৰে নোযোৱা ফুটপাথত ‘ফুচকা’ বেচা ছোৱালীজনী…

Facebook
Twitter
LinkedIn
Facebook
Twitter
LinkedIn

ডিজিটেল ডেস্কঃ বয়স তাইৰ ২২ নতুবা ২৩। কেতিয়াবা বুলেটত আৰু কেতিয়াবা মহিন্দ্ৰা থাৰত বহি ধুলি উৰুৱাই ৰাস্তাৰে তাই অহা-যোৱা কৰে। বাটৰ মানুহে ঘুৰি চাই প্ৰশ্ন কৰে- ‘কাৰ ঘৰৰ ছোৱালী অ এইজনী’? ছোৱালীজনীৰ পৰিচয় সুধিলে কোনোবাই নামটো কোৱাৰ আগতে কয়- ফুটপাথত ফুচকা বেচা ছোৱালীজনী! কেৱল মাত্ৰ ফুচকা বিক্ৰী কৰি থাৰ আৰু বুলেটত অহা-যোৱা কৰা ছোৱালীজনীৰ নাম তাপশ্ৰী। জীৱনৰ সৈতে যুঁজি ভাল পোৱা, কামলৈ লাজ নকৰা, আনে যোৱা বাটেৰে নোযোৱা তাপশ্ৰী এতিয়া হাজাৰ হাজাৰজনৰ প্ৰেৰণাৰ সমল।

তাপশ্ৰীৰ কথা বৰ বেচি চৰ্চা প্ৰথমতে হোৱা নাছিল। মহিন্দ্ৰা কোম্পানীৰ স্বত্ত্বাধিকাৰী আনন্দ মহিন্দাই এই ছোৱালীজনীৰ পৰিশ্ৰম আৰু একাগ্ৰতাক লৈ সামাজিক মাধ্যমত এটা পোষ্ট কৰিছিল। সেই পোষ্টটোৰ পিছতে সমগ্ৰ দেশ তথা বিশ্বতে ভাইৰেল হৈ পৰিল তাপশ্ৰীৰ সংগ্ৰামৰ কাহিনী। তাপশ্ৰীৰ এটা ভিডিঅৰ সৈতে আনন্দ মহিন্দ্ৰাই লিখিছিল এনেদৰে- What are off-road vehicles meant to do? Help people go places they haven’t been able to before.. Help people explore the impossible.. And in particular we want OUR cars to help people Rise & live their dreams..
Now you know why I love this video…

ছোৱালীজনীৰ সম্পূৰ্ণ নাম তাপশ্ৰী উপাধ্যায়। পঢ়া-শুনাত অতিকৈ মেধাৱী তাপশ্ৰী দিল্লীৰ নিৱাসী। কম্পিউটাৰ বিজ্ঞান বিভাগত বি.টেক তাপশ্ৰী উপাধ্যায়। শিক্ষা সাং কৰাৰ পাছত দিল্লীৰ এটা বহুজাতিক কোম্পানীত চাকৰি কৰিছিল তাপশ্ৰীয়ে। কিন্তু নিজে কিবা এটা কৰাৰ প্ৰৱল হেপাঁহৰ বাবে লোভনীয় চাকৰি এৰি তাপশ্ৰীয়ে দিল্লীৰ ফুটপাথত আৰম্ভ কৰিছিল এটা ব্যৱসায়। চাকৰি এৰি ফুটপাথত তাপশ্ৰীয়ে ফুচকা বেচিবলৈ ল’লে। ভিন্নজনে কৰ্কথনা কৰিলে। বহুজনে উচ্চশিক্ষা গ্ৰহণ কৰি এইবোৰ কি কৰিছা বুলি প্ৰশ্নও কৰিলে। কিন্তু পৰিয়ালৰ লোকৰ সাহসত তাপশ্ৰীয়ে চলাই গল ফুচকাৰ ব্যৱসায়। সৰু ফুচকা দোকানখনৰ নাম দিলে- বি টেক ফুচকাৱালী…

Valentine's Day: B.Tech Pani Puri Wali has special offer for couples, watch

কিছুদিনৰ পিছতে তাপশ্ৰীৰ দোকানত ভিৰ কৰিলে বহুতে। গ্ৰাহকৰ ভিতৰত অধিক লোক আছিল যুৱ প্ৰজন্মৰ। সামাজিক মাধ্যমত লাহে লাহে জনপ্ৰিয়তা বাঢ়িবলৈ ধৰিল তাপশ্ৰীৰ। ফেচবুক, ইনষ্টা, টুইটাৰত অনুগামীৰ সংখ্যা বাঢ়িবলৈ ললে। অনুগামীৰ লগতে ব্যৱসায়ৰ পৰিধিও বাঢ়িল তাপশ্ৰীৰ। শেহতীয়াকৈ তাপশ্ৰীয়ে স্থায়ীকৈ এখন দোকান আৰম্ভ কৰিলে। পানীপুৰিৰ বাহিৰেও ভিন্নধৰণৰ হেল্ডী খাদ্য মেনুত ৰাখিলে তাপশ্ৰীয়ে। বৰ্তমানৰ ফুটপাথৰ বাহিৰেও কেইবাখনো দোকানৰ মালিক তাপশ্ৰী।

Meet BTech Pani Puri Wali, who wants to make Indian street food healthy |  Trending - Hindustan Times

একাগ্ৰতা, নিষ্ঠা আৰু সততাৰে লক্ষ্যৰ দিশে আগবাঢ়িছে তাপশ্ৰী। নেদেখাজনেও তেওঁক লগ দিছে। নিজৰ উপাৰ্জনেৰে বুলেট, থাৰৰ দৰে বিলাসী বাহন ক্ৰয় কৰিবলৈ সক্ষম হৈছে তাপশ্ৰী। এদিন নিজে টানি টানি অনা ফুটপাথৰ দোকানখন এতিয়া থাৰৰ পিছফালে লগাই লৈ দিল্লীৰ ভিন্ন স্থানত ফুচকা বেচে তাপশ্ৰীয়ে। তাপশ্ৰীৰ এই সফলতাত সুখী পৰিয়ালৰ লোকে। পৰিয়ালৰ প্ৰতিজন সদস্যই তাপশ্ৰীৰ ওপৰত বেয়া সময়ত দেখুওৱা বিশ্বাসৰ বাবে তাপশ্ৰীয়ে সদায়েই ভিন্ন সাক্ষাতকাৰত তেওঁলোকৰ নাম লয়।

स्वाद भी और सेहत भी...टेस्टी गोलगप्पे खाने हो तो एक बार जरूर ट्राई करें 'B- Tech पानी पुरी वाली' के गोलगप्पे - Meet Delhi's B Tech Pani Puri Wali  healthy street food -

বৰ্তমান এগৰাকী প্ৰতিষ্ঠিত ব্যৱসায়ীৰূপে আত্মপ্ৰকাশ কৰা তাপশ্ৰীয়ে কয়- কামত সৰু ডাঙৰ বিচাৰ কৰি বহি থাকিলে মানুহে কেতিয়াও ডাঙৰ কিবা এটা কাম কৰিব নোৱাৰে। যি কামেই নকৰক, সেই কামটোৰ পৰিসৰ আৰু কামটোৰ বিষয়ে পুংখানুপুংখভাৱে অধ্যয়ন কৰিহে কৰিব লাগে। ” তাপশ্ৰীৰ এই সফলতাৰ যাত্ৰাৰ অবিৰত হওক, তাৰেই কামনা কৰে অগণন অনুৰাগীয়ে…

Tags:

Tags:

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *