অধীৰ আগ্ৰহেৰে বাট চাইছে সকলোৱে, দুপৰীয়াৰ লগে লগে ৰামলালাৰ শীৰত পৰিব সূৰ্যতিলক

অধীৰ আগ্ৰহেৰে বাট চাইছে সকলোৱে, দুপৰীয়াৰ লগে লগে ৰামলালাৰ শীৰত পৰিব সূৰ্যতিলক

Facebook
Twitter
LinkedIn
Facebook
Twitter
LinkedIn

অধীৰ আগ্ৰহেৰে বাট চাইছে সকলোৱে, দুপৰীয়াৰ লগে লগে ৰামলালাৰ শীৰত পৰিব সূৰ্যতিলক

আজিৰ ৰাম নৱমীৰ দিনটো হ’বলৈ হৈ আছে বিশেষ। আয়োধ্যাৰ ৰামলালাৰ শীৰত আজি পৰিব সূৰ্য তিলক। সম্পূৰ্ণ ৪ মিনিট ধৰি ৰামলালাৰ মূৰত পৰিব সূৰ্যতিলক। ৰাম মন্দিৰ তীৰ্থ ক্ষেত্ৰ ট্ৰাষ্টে ৰাম নৱমীৰ বাবে এই বিশেষ প্ৰস্তুতি চলাইছে।

ৰাম নৱমীৰ দিনা ৰাম জন্মোৎসৱ উপলক্ষে ৰামলালাৰ সূৰ্য তিলকো কৰা হ’ব। আজি দিনৰ ঠিক ১২:০০ বজাত ৰাম লালাৰ সূৰ্য্য অভিষেকৰ কাম কৰা হ’ব। ইয়াৰ বাবে বিশেষ প্ৰস্তুতি কৰা হৈছে।

আই আই টি ৰুৰকী চেণ্ট্ৰেল বিল্ডিং ৰিচাৰ্চ ইনষ্টিটিউটে সূৰ্য্য তিলকৰ বাবে প্ৰস্তুত কৰিছে এক বিশেষ অপ্টোমেকানিকেল চিষ্টেম। ইয়াত দিনৰ ঠিক ১২ বজাত মন্দিৰৰ সৰ্বোচ্চ মহলাত (তৃতীয় মহলা) স্থাপন কৰা দাপোনখনৰ ওপৰত সূৰ্যৰ ৰশ্মি পৰিব। এই ৰশ্মি দাপোনৰ পৰা ৯০ ডিগ্ৰীত প্ৰতিফলিত হৈ কাঁহৰ পাইপত প্ৰৱেশ কৰিব। পাইপৰ শেষত আন এখন দাপোন স্থাপন কৰা আছে। এই দাপোনৰ পৰা সূৰ্য্যৰ ৰশ্মি আকৌ এবাৰ প্ৰতিফলিত হ’ব আৰু কাঁহৰ পাইপৰ কাষেৰে ৯০ ডিগ্ৰী বেঁকা হ’ব।

দ্বিতীয়বাৰ প্ৰতিফলিত হোৱাৰ পিছত সূৰ্য্যৰ ৰশ্মিবোৰ উলম্ব দিশত তললৈ গতি কৰিব। ৰশ্মিৰ পথত ইটোৰ পিছত সিটোকৈ তিনিটা লেন্স স্থাপন কৰা আছে, যাৰ ফলত ইয়াৰ তীব্ৰতা আৰু অধিক বৃদ্ধি পাব। উলম্ব পাইপৰ আনটো মূৰত আন এটা দাপোন স্থাপন কৰা আছে।

সেই অন্তিম দাপোনৰ পৰাই সূৰ্যৰ ৰশ্মি ৯০ ডিগ্ৰী কোনত বেঁকা হৈ পোনে পোনে ৰাম লালাৰ মূৰত পৰিব। এইদৰে ৰাম লালাৰ সূৰ্য তিলক সম্পূৰ্ণ হ’ব।

সূৰ্যৰ ৰশ্মিয়ে চাৰি মিনিটৰ বাবে ৰাম লল্লাৰ মুখখন আলোকিত কৰিব । এই তিলক ৭৫ মি.মি.ৰ বৃত্তাকাৰ আকৃতিৰ। দুপৰীয়া ১২ বজাত ৰমলালাৰ মূৰত সূৰ্য্যৰ ৰশ্মি পৰিব। ৰশ্মিয়ে চাৰি মিনিট ধৰি অবিৰতভাৱে ৰামলালাৰ মুখখন আলোকিত কৰিব।

এই সমগ্ৰ ঘটনা তথা প্ৰক্ৰিয়া প্ৰায় ১০০ টা এল ই ডি স্ক্ৰীণৰ জৰিয়তে লাইভ টেলিকাষ্ট কৰা হ’ব ভক্তৰ বাবে। ভক্তসকলেও বাহিৰৰ পৰা দেখা পাব এই ঐতিহাসিক ক্ষণ।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *