লণ্ডনৰ বজাৰত অসমৰ উৰহী…

লণ্ডনৰ বজাৰত অসমৰ উৰহী…

Facebook
Twitter
LinkedIn
Facebook
Twitter
LinkedIn

ডিজিটেল ডেস্কঃ- মাঘ বিহুৰ বতৰত অসমৰ কৃষিখণ্ডৰ পৰা আহিল এক আশাৰ বতৰা। পহিলা মাঘতে অসমৰ পৰা বিদেশলৈ ৰপ্তানি হ’ল ১হাজাৰ কেজি উৰহী। অসমৰ পথাৰত জৈৱিকভাৱে উতপাদিত এই উৰহীখিনি কৃষি বিভাগে লণ্ডনলৈ ৰুপ্তানি কৰে। এই সুখবৰটো কৃষিমন্ত্ৰী অতুল বৰাই সামাজিক মাধ্যমযোগে সকলোকে অৱগত কৰে।

কৃষিমন্ত্ৰীগৰাকীয়ে এই খবৰটো সামাজিক মাধ্যমত শ্বেয়াৰ কৰি লিখে-  ”পহিলা মাঘৰ দিনটোত আমাৰ কৃষি খণ্ডৰ বাবে এক অত্যন্ত সুখবৰ! শিৱসাগৰ জিলাৰপৰা দ্বিতীয়বাৰৰ বাবে বিদেশৰ বজাৰলৈ ১,০০০ কেজি উৰহীৰ ৰপ্তানি। অসমৰ কৃষক বন্ধুসকলৰ বাবে অতি উৎসাহজনক আৰু আনন্দৰ বতৰা যে- প্ৰথম পৰ্যায়ত ৫০০ কেজি উৰহী ৰপ্তানি কৰাৰ পাছত খুব কম সময়ৰ ভিতৰতে আজি দ্বিতীয়বাৰৰ বাবে শিৱসাগৰ জিলাৰ নিতাইপুখুৰীৰ দিহিংপৰীয়া কৃষক উৎপাদক কোম্পানীৰ কৃষকসকলে উৎপাদন কৰা ১,০০০ কেজি উৰহী লণ্ডনৰ বজাৰলৈ বিক্ৰীৰ বাবে প্ৰেৰণ কৰা হয়।

এই আনন্দৰ ক্ষণত দিহিংপৰীয়া মাষ্টাৰ্ড কৃষক গোটটিক উৰহী উৎপাদনত বিশেষভাৱে সহযোগ কৰা অসম চৰকাৰৰ উদ্যানশস্য বিভাগৰ বিষয়া, শিৱসাগৰ জিলা কৃষি বিভাগ, এপাৰ্টৰ সংশ্লিষ্ট বিষয়াসকল আৰু কৃষক উৎপাদক গোটটিৰে জড়িত প্ৰতিগৰাকী কৃষকক মোৰ আন্তৰিক অভিনন্দন আৰু শুভেচ্ছা জ্ঞাপন কৰিছোঁ। খেতিপথাৰলৈ নতুন উৎসাহৰে আমাৰ কৃষকসকল ওলাই আহক। শস্য ৰপ্তানিৰ এই ধাৰা অনাগত দিনসমূহত অধিক বৃদ্ধিৰে মাননীয় মুখ্যমন্ত্ৰী ড° হিমন্ত বিশ্ব শৰ্মা ডাঙৰীয়াৰ বলিষ্ঠ নেতৃত্বত আমি ৰাজ্যখনৰ কৃষি অৰ্থনীতিত এক নতুন বিপ্লৱৰ সূচনা কৰিবলৈ সক্ষম হ’ম বুলি দৃঢ় বিশ্বাসী।”
উল্লেখ কৰা প্ৰয়োজন যে, ৰাজ্যৰ কৃষি বিভাগৰ দ্বাৰা সময়ে সময়ে বিদেশলৈ জৈৱিক পদ্ধতিৰে উতপাদিত বিভিন্ন সামগ্ৰী ৰপ্তানি হৈ আহিছে। কিছুদিনৰ পূৰ্বে বহু হাজাৰকেজি ৰঙালাউ বিদেশৰ বজাৰলৈ ৰপ্তানি কৰিছিল কৃষি বিভাগে।

Tags:

Tags:

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *