শীৰ্ষ ১০ নহয়, এইবাৰ শীৰ্ষ ৩, মেট্ৰিকৰ শীৰ্ষ ৩ স্থানত কোন কোন শিক্ষাৰ্থী, জিলাভিত্তিত শীৰ্ষত বাক্সা

শীৰ্ষ ১০ নহয়, এইবাৰ শীৰ্ষ ৩, মেট্ৰিকৰ শীৰ্ষ ৩ স্থানত কোন কোন শিক্ষাৰ্থী, জিলাভিত্তিত শীৰ্ষত বাক্সা

Facebook
Twitter
LinkedIn
Facebook
Twitter
LinkedIn

শীৰ্ষ ১০ নহয়, এইবাৰ শীৰ্ষ ৩, মেট্ৰিকৰ শীৰ্ষ ৩ স্থানত কোন কোন শিক্ষাৰ্থী, জিলাভিত্তিত শীৰ্ষত বাক্সা

আজি২০ এপ্ৰিল তাৰিখে ঘোষণা কৰা হয় মেট্ৰিকৰ ফলাফল। এইবাৰ অইনকেইবাৰৰ দৰে শীৰ্ষ ১০ নহয়, শীৰ্ষ ৩ স্থানৰ শিক্ষাৰ্থীৰ নামহে ঘোষণা কৰা হয়। যি পূৰ্বে শীৰ্ষ ২০ বুলি আছিল। এইবাৰ ৰাজ্যৰ ভিতৰতে ৫ শিক্ষাৰ্থীয়ে লাভ কৰিছে শীৰ্ষ ৩ স্থান।

পুৱা ১০.৩০ বজাত ছেবাৰ ১০ টা ৱেবচাইটত উপলব্ধ হৈছে এই ফলাফলসমূহ। ইয়াৰ পূৰ্বে শীৰ্ষ স্থান দখল কৰা প্ৰথম ৫ জনৰ নাম ঘোষণা কৰে ছেবাই। একেলগে তিনি শিক্ষাৰ্থীয়ে লাভ কৰে তৃতিয় স্থান।

শীৰ্ষ ৫ শিক্ষাৰ্থী হৈছে-
১) অনুৰাগ দলৈ, প্ৰজ্ঞা একাডেমী চিনিয়ৰ চেকেণ্ডাৰী স্কুল, যোৰহাট (৫৯৩ নম্বৰ)
২) ঝৰ্ণা শইকীয়া, শংকৰদেৱ শিশু নিকেতন, বিশ্বনাথ চাৰিআলি (৫৯০ নম্বৰ)
৩) মানস প্ৰতীম শইকীয়া, আইলেণ্ড একাডেমী, কমলাবাৰী, মাজুলী (৫৮৮নম্বৰ)
৪) বেদান্ত চৌধুৰী, ষ্টেলা মেৰিছ স্কুল, সৰুপেটা, বৰপেটা (৫৮৮ নম্বৰ)
৫) দেৱশ্ৰী কাশ্যপ, ৰামনুজন চিনিয়ৰ চেকেণ্ডাৰী স্কুল, নগাঁও (৫৮৮ নম্বৰ)

অনুৰাগ দলৈয়ে অসমীয়াত লাভ কৰিছে ৯৬ নম্বৰ, ইংৰাজীত ৯৭, সাধাৰণ গণিতত ১০০, সাধাৰণ বিজ্ঞানত ১০০, সমাজ বিজ্ঞানত ১০০ আৰু উচ্চ গণিতত ১০০ নম্বৰ লাভ কৰে।

ঝৰ্ণা শইকীয়াই অসমীয়াত লাভ কৰিছে ৯৮ নম্বৰ, ইংৰাজীত ১০০, সাধাৰণ গণিতত ৯৪, সাধাৰণ বিজ্ঞানত ৯৮, সমাজ বিজ্ঞানত ১০০ আৰু উচ্চ গণিতত ১০০ নম্বৰ লাভ কৰে।

মানস প্ৰতিম শইকীয়াই অসমীয়াত লাভ কৰিছে ৯৪ নম্বৰ, ইংৰাজীত ১০০, সাধাৰণ গণিতত ৯৫, সাধাৰণ বিজ্ঞানত ৯৯, সমাজ বিজ্ঞানত ১০০ আৰু উচ্চ গণিতত ১০০ নম্বৰ লাভ কৰে।

বেদান্ত চৌধুৰীয়ে অসমীয়াত লাভ কৰিছে ৯৪ নম্বৰ, ইংৰাজীত ১০০, সাধাৰণ গণিতত ৯৭, সাধাৰণ বিজ্ঞানত ৯৮, সমাজ বিজ্ঞানত ৯৯ আৰু উচ্চ গণিতত ১০০ নম্বৰ লাভ কৰে।

দেৱাশ্ৰী কাশ্যপে অসমীয়াত লাভ কৰিছে ৯৯ নম্বৰ, ইংৰাজীত ৯৬, সাধাৰণ গণিতত ৯৬, সাধাৰণ বিজ্ঞানত ৯৭, সমাজ বিজ্ঞানত ১০০ আৰু উচ্চ গণিতত ১০০ নম্বৰ লাভ কৰে।

উল্লেখ্য যে, ১৬ ফেব্ৰুৱাৰীৰ পৰা ৪ মাৰ্চলৈ অনুষ্ঠিত হৈছিল হাইস্কুল শিক্ষান্ত পৰীক্ষা। এইবাৰ পৰীক্ষাত অৱতীৰ্ণ হৈছিল ৪,১৯,০৭৮ গৰাকী ছাত্ৰ-ছাত্ৰী। ইয়াৰে উত্তীৰ্ণ হৈছে ৩,১৭,৩১৭ গৰাকী ছাত্ৰ-ছাত্ৰী। ইয়াৰ ভিতৰত ছাত্ৰৰ সংখ্যা আছিল ১,৮৭,৯০৪ গৰাকী, ছাত্ৰীৰ সংখ্যা আছিল ২,৩১,১৬৪ গৰাকী আৰু তৃতীয় লিংগৰ আছিল ১০ গৰাকী।

এইবাৰ পৰীক্ষাত উত্তীৰ্ণৰ হাৰ ৭৫.৭ শতাংশ। ডিষ্টিংছন নম্বৰ লাভ কৰিছে ৬,৩৯২ গৰাকীয়ে, ষ্টাৰ মাৰ্ক লাভ কৰিছে ২০,৫৫২ গৰাকীয়ে আৰু প্ৰথম বিভাগত উত্তীৰ্ণ হৈছে ১,০৫,৮৭৩ গৰাকী।

ইয়াৰ লগতে দ্বিতীয় বিভাগত উত্তীৰ্ণ হৈছে ১,৫০,৭৬৪ গৰাকী, তৃতীয় বিভাগত উত্তীৰ্ণ ৬০,৬৮০ গৰাকী, লেটাৰ মাৰ্ত লাভ কৰিছে ১,৯৩,১৫৯ গৰাকী ছাত্ৰ-ছাত্ৰীয়ে।

আনহাতে জিলাভিত্তিক ফলাফল চাবলৈ গ’লে- এইবাৰ হাইস্কুল শিক্ষান্ত পৰীক্ষাত উত্তীৰ্ণৰ হাৰ সবাতোকৈ অধিক আছে ছিৰাং জিলাত। জিলাখনত ৯১.২ শতাংশ ছাত্ৰ-ছাত্ৰী উত্তীৰ্ণ হৈছে। জিলা পৰ্যায়ত দ্বিতীয় স্থানত আছে নলবাৰী(৮৮.১ শতাংশ), তৃতীয় স্থানত আছে ডিমা হাচাও ( ৮৭.৩ শতাংশ), চতুৰ্থ স্থানত আছে বাক্সা (৮৬.৯ শতাংশ), পঞ্চম স্থানত আছে শিৱসাগৰ (৮৫.১ শতাংশ)। আনহাতে ৬০ শতাংশ উত্তীৰ্ণৰে সৰ্বনিম্নত ওদালগুৰি জিলা আছে।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *