আঢ়ৈ হাজাৰ অতিথি, ২৭৫ বিধ ব্যঞ্জন… অনন্ত আম্বানিৰ বিয়াত আৰু কি

আঢ়ৈ হাজাৰ অতিথি, ২৭৫ বিধ ব্যঞ্জন… অনন্ত আম্বানিৰ বিয়াত আৰু কি

অনন্ত আম্বানি
অনন্ত আম্বানি
Facebook
Twitter
LinkedIn
Facebook
Twitter
LinkedIn

বিয়া নামিছে। ফাগুনৰ ধূলিয়ৰি বতাহত ভাহি ফুৰিছে বিয়াৰ খবৰ। গাত মাহ-হালধি সানিবলৈ সাজু হৈছে অনন্ত। ঠিকেই শুনিছে, মুকেশ আম্বানিৰ কনিষ্ঠ পুত্ৰ অনন্ত আম্বানিৰ বিয়া।

জামনগৰ এয়াৰপৰ্টত উখল-মাখল পৰিৱেশ। দেশ-বিদেশৰ পৰা আলহী আহিছে। আলহীক আদৰিবলৈ সজাই তোলা হৈছে বিমানবন্দৰৰ সমুখভাগ। বিমানৰ পৰা নামি আলহী-অতিথি ৰাওনা হৈছে গন্তব্যস্থানলৈ। জামনগৰৰ ৰিলায়েন্স টাউনশ্বীপত আঢ়ৈ হাজাৰ অতিথিক আদৰিবলৈ সাজু আম্বানি পৰিয়াল। ১ মাৰ্চৰ পৰা ৩ মাৰ্চলৈ অনুষ্ঠিত হ’ব অনন্ত আম্বানিৰ প্ৰাক বিবাহৰ অনুষ্ঠান।

জুলাইত মুকেশ আম্বানিৰ কণিষ্ঠ পুত্ৰ অনন্ত আম্বানিৰ বিয়া। বিশিষ্ট উদ্যোগপতি বিৰেণ মাৰ্ছেণ্টৰ জীয়ৰী ৰাধিকা মাৰ্ছেণ্টেৰে বিয়াত বহিব অনন্ত আম্বানি। ৩ দিনীয়া কাৰ্যসূচীত প্ৰথম দিনা আছে অন্নসেৱা কাৰ্যসূচী। জামনগৰত ৫১ হাজাৰ স্থানীয় লোকক কৰা হ’ব আপ্যায়ণ। পৰম্পৰাগত গুজৰাটী খাদ্য সম্ভাৰেৰে আপ্যায়ণ কৰা হ’ব স্থানীয় লোকসকলক।

এই প্ৰাক বিবাহ অনুষ্ঠানলৈ আমন্ত্ৰণ জনোৱা হৈছে কাটাৰৰ প্ৰধানমন্ত্ৰী, ভূটানৰ ৰাণী, বিলগেটছ, মাৰ্ক জুকাৰবাৰ্গ তথা অষ্ট্ৰেলিয়া, চুইডেন, কানাডাৰ প্ৰাক্তন প্ৰধানমন্ত্ৰীক। লগতে আমন্ত্ৰণ জনোৱা হৈছে দেশ-বিদেশৰ বহু ক্ৰীড়াবিদ, খেলুৱৈকে ধৰি বিশিষ্ট ব্যক্তিক।

প্ৰায় আঢ়ৈ হাজাৰ অতিথিক আপ্যায়ণৰ বাবে সাজু কৰা হৈছে বিশাল ৰন্ধনশাল। ২১ গৰাকী ৰান্ধনিৰ নেতৃত্বত সাজু বৃহৎ দল। খাদ্য সম্ভাৰত থাকিব জাপানীজ, মেক্সিকান, থাই, পাৰ্চী খাদ্য। পৰিৱেশন কৰা হ’ব বিধে বিধে খাদ্য সম্ভাৰ। জলপান, দুপৰীয়াৰ আহাৰ, নৈশ আহাৰৰ বাবে থাকিব পৃথক মেনু। জলপানত থাকিব ৭৫ বিধ ব্যঞ্জন। দুপৰীয়াৰ আহাৰত ২২৫ বিধ ব্যঞ্জনৰ লগতে নৈশ আহাৰত থাকিব ২৭৫ বিধ ব্যঞ্জন।

৩ দিনীয়া কাৰ্যসূচীৰে আয়োজিত এই প্ৰাক বিবাহ অনুষ্ঠানত প্ৰতিনিশাই থাকিব পৰম্পৰাগত সংগীত পৰিৱেশনৰ ব্যৱস্থা। অৱশ্যে যাও বুলিয়েই গুচি যাব নোৱাৰিব এই অনুষ্ঠানলৈ। প্ৰতিদিনেই থাকিব পৃথক পৃথক ড্ৰেছ ক’ড। বিবাহ বাহৰত পৰিণত হোৱা জামনগৰৰ ৰিলায়েন্স টাউনশ্বীপত গঢ়ি তোলা হৈছে অভেদ্য নিৰাপত্তা বেষ্টনী। দেশৰ বিশিষ্ট উদ্যোগপতিগৰাকীৰ কনিষ্ঠ পুত্ৰৰ বিয়াত জামনগৰত এতিয়া বৰসবাহৰ পৰিৱেশ।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *