মেট্ৰিক পাছ কৰিলেই হ’ল, ছোৱালীৰ সকলো দায়িত্ব মোৰ- মুখ্যমন্ত্ৰী হিমন্ত বিশ্ব শৰ্মা

মেট্ৰিক পাছ কৰিলেই হ’ল, ছোৱালীৰ সকলো দায়িত্ব মোৰ- মুখ্যমন্ত্ৰী হিমন্ত বিশ্ব শৰ্মা

Facebook
Twitter
LinkedIn
Facebook
Twitter
LinkedIn

মেট্ৰিক পাছ কৰিলেই হ’ল, ছোৱালীৰ সকলো দায়িত্ব মোৰ- মুখ্যমন্ত্ৰী হিমন্ত বিশ্ব শৰ্মা

আজি সৰ্বানন্দ সোণোৱাৰ নিৰ্বাচনী প্ৰচাৰৰ সময়তে মাকুমত মুখ্যমন্ত্ৰী হিমন্ত বিশ্ব শৰ্মাই ঘোষণা কৰে কেইবাটাও গুৰুত্বপূৰ্ণ কথা। মেট্ৰিক পাছ কৰাৰ পাছতে ছোৱালীৰ সকলো দায়িত্ব গ্ৰহণ কৰিব মুখ্যমন্ত্ৰী হিমন্ত বিশ্ব শৰ্মাই।

এই সন্দৰ্ভত কয় যে, কেৱল মেট্ৰিক পাছ কৰিলেই হ’ল, ছোৱালীৰ হায়াৰছেকেণ্ডাৰীৰ পঢ়া স্নাতকৰ পঢ়া আৰু লগতে স্নাতকোত্তৰৰো পঢ়াৰ সমস্ত দায়িত্ব ল’ব মুখ্যমন্ত্ৰীয়ে।

এই সন্দৰ্ভত মুখ্যমন্ত্ৰীয়ে কয় যে, ‘ল’ৰাৰ দায়িত্ব পৰিয়ালৰ, ছোৱালীৰ দায়িত্ব মোৰ’। মেট্ৰিক পাছ কৰিলেই হ’ল, তাৰ পাছৰ দায়িত্ব মুখ্যমন্ত্ৰীৰ ।

মেট্টিকত পাছ কৰা সকলো ছোৱালীয়ে বছৰি লাব কৰিব ১০হাজাৰকৈ টকা। হায়াৰ ছেকেণ্ডৰী পাছ কৰিলে ১২৫০০ টকা আৰু ডিগ্ৰী পাছ কৰিলে ২৫হাজাৰকৈ টকা লাভ কৰিব।

আজিৰ সভাত মুখ্যমন্ত্ৰীয়ে কয় যে, মেট্ৰিকৰ পাছত সকলো ছোৱালীৰে কলেজৰ এডমিছন ফ্ৰি, তাৰোপৰি বছৰি পাব ১০ হাজাৰ, তেনেদৰে একেবাৰে স্নাতোকোত্তৰ পঢ়ালৈ বছৰি লাভ কৰিব টকা। এই টকা ছোৱালীৰ পিতৃ-মাতৃয়ে নাপায়, পোনে পোনে ছোৱালীৰ একাউণ্টত সোমাব।

ইয়াৰ বাহিৰেও আৰু অন্য কেইবাটাও ডাঙৰ ঘোষণা মুখ্যমন্ত্ৰীৰ। চাকৰিৰ সন্দৰ্ভত কয়- ‘‘১ লাখ চাকৰি দিম বুলি কৈ কথা ৰাখিলো। পুনৰ ৫০হাজাৰ নতুন চাকৰি দিম। এটকাও নিদিয়াকৈ চাকৰি পাইছে আৰু পাব। মিছন বসুন্ধৰাৰে এটা এটা পৰিয়ালক মাটিৰ পট্টা দিছো, বসুন্ধৰা 3.0ত বাকী নোপোৱা সকলকো দিয়া হ’ব। মোদী হ্যে ত’ মুমকিন হ্যে, এতিয়া মোদীৰ গ্যাৰাণ্টি আৰু মামাৰ ৱাৰেণ্টি চলি আছে।’’

‘‘যাৰ যাৰ ঘৰত ৰেচন কাৰ্ড আছে সকলোৱেই অৰুণোদয় পাব ৷ এই গেৰাণ্টি মোৰ। অৰুণোদয় নাপালে অহাবাৰ বিজেপিক ভোট নিদিব। প্ৰধানমন্ত্ৰীৰ জীৱনজ্যোতি আঁচনি পাব প্ৰতিটো ৰেচন কাৰ্ড থকা পৰিয়ালে। ৰেচন কাৰ্ড থকা পৰিয়ালৰ মুৰব্বীয়ে পাব ২লাখ টকাৰ দূৰ্ঘটনা বীমা, জীৱন বীমা। মোদীয়ে দিল্লীৰ পৰা পোহৰ দিব, দিচপুৰৰ পৰা পোহৰ বিলাম আমি।’’

‘‘জয় আই অসম তেতিয়াহে হ’ব যেতিয়া কাম হ’ব। কোনোবাই সদনত বহুত কথা কৈ কাজিয়া কৰি থাকিলে ৰাইজৰ কাম হ’ব নেকি? বিৰোধীৰ মিটিং শুনিবচোন অকল গালি পাৰি থাকে, আমি গালি নাপাৰো, আমি কাম কৰিম। মাইকটো পালেই গালি দিবলৈ সহজ ৷ ৮৫৫জন কেনেকৈ শ্বহীদ হৈছিল? যি কংগ্ৰেছে ৮৫৫জন শ্বহীদ কৰিলে সেই কংগ্ৰেছৰ লগত থাকি কিহৰ জাতীয়তাবাদ ৷ জাতীয়তাবাদৰ কথা কয়, আমি কি ঘোঁৰাৰ ঘাঁহ কাটি আছো? আমিও অসমক ভাল নাপাও? অকল সিহঁতেহে ভাল পায় নেকি অসমক ? আমি অসমৰ মানুহৰ কল্যাণৰ বাবে কাম কৰি আছো ৷ আমি ভাৰতৰ সৰ্বশ্ৰেষ্ঠ ৰাজ্য হ’বলৈ কাম কৰি আছো।’’

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *