কাইলৈৰ পৰা আৰম্ভ হ’ব দেৱীপক্ষ! ৪০০ বছৰ পাছত নৱৰাত্ৰীৰ ৯ দিনতেই বিৰল শুভ যোগ

কাইলৈৰ পৰা আৰম্ভ হ’ব দেৱীপক্ষ! ৪০০ বছৰ পাছত নৱৰাত্ৰীৰ ৯ দিনতেই বিৰল শুভ যোগ

Facebook
Twitter
LinkedIn
Facebook
Twitter
LinkedIn

NB NEWS- হিন্দু ধৰ্মত শুভ সময় আৰু শুভ যোগৰ ওপৰত বিশেষ গুৰুত্ব দিয়া হয়। কোনো শুভ কাম শুভ সময়ত কৰিলে মাহাত্ম্য আৰু বৃদ্ধি পায়। হিন্দু পঞ্জিকা অনুসৰি আজি ১৪ অক্টোবৰত মহালয়া পালনৰ পাছতেই ১৫ অক্টোবৰ দেওবাৰে প্ৰতিপদ তিথিৰ পৰা আৰম্ভ হ’ব দেৱীপক্ষ। নৱৰাত্ৰী পূজা সকলোৱে পালন কৰে। নৱৰাত্ৰীৰ ৯টা নিশা ধৰি দেৱী দূৰ্গাৰ ভিন্ন ৰূপৰ পূজা কৰা হয়। এই বছৰ বিৰল শুভ যোগত পালিত হ’ব শাৰদীয় নৱৰাত্ৰী। নৱৰাত্ৰীৰ নতুন দিনতেই গঠিত হৈছে নতুন শুভ যোগ। তাৰমাজতেই তিনিটা সৰ্বাৰ্থ সিদ্ধি যোগ, তিনিটা ৰবি যোগ আৰু এটা ত্ৰিপুষ্কৰ যোগ গঠিত হ’ব। ইয়াৰ প্ৰভাৱত এই সময়ত নতুন গাড়ী ক্ৰয়ৰ বাবে আন এক শুভ যোগ তৈয়াৰ হ’ব বুলি জনাইছে জ্যোতিষবীদসকলে। ৪০০ বছৰ পাছত নবৰাত্ৰীৰ ৯টা নিশাতেই গঠিত হ’ব ৯টা শুভ যোগ। নৱৰাত্ৰীৰ কোন কোন দিনা কি কি যোগ গঠিত হ’ব?

দেৱীপক্ষৰ প্ৰথম দিনা ১৫ অক্টোবৰ অৰ্থাৎ দেওবাৰ। সেইদিনা আছে পদ্মা যোগ আৰু বুধাদিত্য যোগ। তাৰ সৈতে আছে চিত্ৰা নক্ষত্ৰ। এই দিনটো পূজা অৰ্চনাৰ বাবে খুবেই শুভ।


১৬ অক্টোবৰ সোমবাৰে দ্বিতীয়া তিথিত গঠিত হ’ব ছত্ৰ যোগ। ইয়াৰ সৈতে থাকিব স্বাতী নক্ষত্ৰ আৰু ভদ্ৰ তিথি। নতুন মোবাইল বা লেপটপ ক্ৰয়ৰ বাবে এই দিনটো শুভ।


১৭ অক্টোবৰ মঙলবাৰে দেৱীপক্ষৰ তৃতীয়াত গঠিত হ’ব প্ৰীতি যোগ। আয়ুশ্মান যোগ আৰু শ্ৰী বৎস্য যোগ। বৈদ্যুতিন সামগ্ৰী ক্ৰয়ৰ বাবে এই দিনটো অতি শুভ।


১৮ অক্টোবৰ বুধবাৰে নৱৰাত্ৰী চতুৰ্থী। সেইদিনা গঠিত হ’ব সৰ্বাৰ্থ সিদ্ধি যোগ আৰু অমৃত সিদ্ধি যোগ। নতুন গাড়ী ক্ৰয়ৰ বাবে এই দিনটো শুভ।


১৯ অক্টোবৰ বৃহস্পতিবাৰে দেৱীপক্ষৰ পঞ্চমী। সেইদিনা গঠিত হ’ব জ্যেষ্ট নক্ষত্ৰ আৰু পূৰ্ণা তিথি। সেইদিনা নতুন সম্পত্তি ক্ৰয় কৰিব পাৰে।


২০ অক্টোবৰত শুকুৰবাৰে পালিত হ’ব মহাষষ্ঠী। সেইদিনা মূল নক্ষত্ৰত গঠিত হ’ব ৰবিযোগ। নতুন সম্পত্তি ক্ৰয়ৰ বাবে যন্ত্ৰপাতি ক্ৰয়ৰ বাবে এই দিনটো শুভ।


২১ অক্টোবৰ শনিবাৰে দুৰ্গাপূজাৰ মহাসপ্তমী। সেইদিনা থাকিব ত্ৰিপুষ্কৰ যোগ। সেইদিনা নতুন কামত ধন বিনিয়োগ কৰিলে ভাল ৰিটাৰ্ণ পাব।


২২ অক্টোবৰ দেওবাৰে পালিত হ’ব মহাষ্টমী। সেইদিনা গঠিত হ’ব সৰ্বাৰ্থ সিদ্ধি যোগ আৰু ৰবি যোগ। যি কোনো নিৰ্মাণ কাৰ্য আৰম্ভ কৰিবৰ বাবে এই দিনটো শুভ।


২৩ অক্টোবৰ সোমবাৰে পালিত হ’ব নৱৰাত্ৰীৰ শেষ দিন আৰু দুৰ্গাপূজাৰ মহানৱমী। এই দিনটোতেই গঠিত হ’ব সৰ্বাৰ্থ সিদ্ধি যোগ আৰু ৰবি যোগ। এইদিনটোত কোনো সামগ্ৰী ক্ৰয়ৰ বাবে শুভ।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *