আজি দেশত চতুৰ্থ পৰ্যায়ৰ ভোট, ৯৬ আসনৰ যুঁজ, ১৯ লাখ নিৰ্বাচনী বিষয়া, ১৭ কোটি ভোটাৰ, ভাগ্য নিৰ্ণয় হ’ব অখিলেশ যাদৱ-আছাদুদ্দিন ওৱেছি…

আজি দেশত চতুৰ্থ পৰ্যায়ৰ ভোট, ৯৬ আসনৰ যুঁজ, ১৯ লাখ নিৰ্বাচনী বিষয়া, ১৭ কোটি ভোটাৰ, ভাগ্য নিৰ্ণয় হ’ব অখিলেশ যাদৱ-আছাদুদ্দিন ওৱেছি…

Facebook
Twitter
LinkedIn
Facebook
Twitter
LinkedIn

আজি দেশত চতুৰ্থ পৰ্যায়ৰ ভোট, ৯৬ আসনৰ যুঁজ, ১৯ লাখ নিৰ্বাচনী বিষয়া, ১৭ কোটি ভোটাৰ, ভাগ্য নিৰ্ণয় হ’ব অখিলেশ যাদৱ-আছাদুদ্দিন ওৱেছি…

আজি ১৩ মে’ সোমবাৰে সমগ্ৰ দেশতে চতুৰ্থ পৰ্যায়ৰ ভোটগ্ৰহণ। দেশ জুৰি ৯৬ খন আসনৰ বাবে ভোটগ্ৰহণ প্ৰক্ৰিয়া হব। এই আসন কেইখনৰ বাবে মুঠ ১৯ লাখ নিৰ্বাচনী বিষয়াই ইতিমধ্যে সাজু হৈছে। পুৱা ৭.৩০ বজাৰ পৰা আৰম্ভ হৈছে ভোটগ্ৰহণ।

আজিৰ এই চতুৰ্থ পৰ্যায়ত ১০খন ৰাজ্য আৰু কেন্দ্ৰীয় শাসিত অঞ্চলৰ ৯৬খন লোকসভা আসনত ভোটগ্ৰহণ অনুষ্ঠিত হ’ব। এই নিৰ্বাচনত প্ৰতিদ্বন্দ্বিতা আগবঢ়াইছে বহু বাঘা বাঘা প্ৰাৰ্থীয়ে। অখিলেশ যাদৱ, আছাদুদ্দিন ওৱেছি, শ্ৰত্ৰুঘ্ন সিন্হা, মহুৱা মৈত্ৰী, অধীৰ ৰঞ্জন চৌধুৰী, গিৰিৰাজ সিং, নিত্যানন্ত ৰায়, অৰ্জুন মুণ্ডা, ক্ৰিকেটাৰ ইউচুফ পাঠান আদি।

চতুৰ্থ পৰ্যায়ৰ লোকসভাত অন্ধ্ৰ প্ৰদেশৰ ২৫খন আসন, তেলেংগানাৰ ১৭খন আসন, উত্তৰ প্ৰদেশৰ ১৩খন আসন, মহাৰাষ্ট্ৰৰ ১১খন আসন, পশ্চিমবংগৰ ৮খন আসন, মধ্যপ্ৰদেশৰ ৮খন আৰু বিহাৰৰ ৫খন আসনৰ বাবে ভোটগ্ৰহণ অনুষ্ঠিত হব। ইয়াৰ উপৰিও ঝাৰখণ্ড, ওড়িশাত ৪খন আৰু জম্মু-কাশ্মীৰৰ এখন আসনো আজিৰ চতুৰ্থ পৰ্যায়ৰ নিৰ্বাচনৰ অংশ।

৯৬ আসনৰ আজিৰ ভোটগ্ৰহণৰ মুঠ প্ৰাৰ্থীৰ সংখ্যা ১৭১৭ গৰাকী, লগতে ভোটাৰৰ সংখ্যা ১৭.৭ কোটি জনতা। ইয়াৰে ভিতৰত ৮.৯৭ কোটি পুৰুষ ভোটাৰ, ৮.৭৩ কোটি মহিলা ভোটাৰ।

আজিৰ মুখ্য আকৰ্ষণীয় প্ৰাৰ্থী
১- আছাদুদ্দিন ওৱেছি
হায়দৰাবাদত সৰ্বভাৰতীয় মজলিছ-ই-ইত্তেহাদুল মুছলিমৰ সাংসদ আছাদুদ্দিন ওৱেছি। এই লোকসভা সমষ্টিত জনপ্ৰিয় আছাদুদ্দিন ওৱাইছিয়ে ৰাজনৈতিক প্ৰতিনিধিত্ব আৰু সংখ্যালঘুৰ অধিকাৰৰ ওপৰত গুৰুত্ব আৰোপ কৰি পঞ্চম কাৰ্যকালৰ বাবে তীব্ৰ প্ৰচাৰ চলাইছে।

২- মহুৱা মৈত্ৰী
তৃণমূল কংগ্ৰেছ নেত্ৰী মহুৱা মৈত্ৰী। ২০১৯ চনৰ লোকসভা নিৰ্বাচনত টিএমচিৰ মহুৱা মৈত্ৰীয়ে ৬১৪,৮৭২টা ভোট লাভ কৰি জয়লাভ কৰিছিল। শেহতীয়াকৈ মহুৱা মৈত্ৰীক লোকসভাৰ পৰা বহিষ্কাৰ কৰা হৈছিল।

৩- শত্ৰুঘ্ন সিনহা
টি এম চিৰ হৈ নামিব শত্ৰুঘ্ন সিনহা। আনহাতে, ২০১৯ চনৰ লোকসভা নিৰ্বাচনত বিজেপিৰ বাবুল চুপ্ৰিয়োৱে আসনখন লাভ কৰিছিল। কিন্তু সুপ্ৰিয়ো টিএমচিত যোগদান কৰাৰ পিছত এই আসনখন খালী হৈ পৰে।

৪- অখিলেশ যাদৱ
উত্তৰ প্ৰদেশৰ প্ৰাক্তন মুখ্যমন্ত্ৰী তথা সমাজবাদী পাৰ্টিৰ ৰাষ্ট্ৰীয় সভাপতি অখিলেশ যাদৱ। ২০০০-২০১২ চনলৈ অখিলেশ যাদৱ লোকসভাৰ সাংসদ আছিল আৰু ২০১২ চনত উত্তৰ প্ৰদেশৰ মুখ্যমন্ত্ৰী হয়।

৫- অধীৰ ৰঞ্জন চৌধুৰী বনাম ক্ৰিকেটাৰ ইউছুফ পাঠান
পশ্চিম বংগ কংগ্ৰেছৰ সভাপতি অধীৰ ৰঞ্জন চৌধুৰী আৰু বিজেপিৰ প্ৰাৰ্থী নিৰ্মল কুমাৰ সাহাৰ বিৰুদ্ধে ভাৰতৰ প্ৰাক্তন ক্ৰিকেটাৰ ইউছুফ পাঠানে মুখামুখি হ’ব।

ভোটদান ক’ত হ’ব জানেনে?

২০২৪ চনৰ চতুৰ্থ পৰ্যায়ৰ লোকসভা নিৰ্বাচনত ১০খন ৰাজ্যৰ ৯৬খন আসনত ভোটগ্ৰহণ হ’ব । অন্ধ্ৰ প্ৰদেশৰ এই ২৫খন আসনৰ ভিতৰত আৰাকু, শ্ৰীকাকুলাম, বিজয়নগৰম, বিশাখাপট্টনম, অনকাপলে, কাকিনাদা, অমলাপুৰম, ৰাজহমুন্দ্ৰী, নৰসপুৰম, এলুৰু, মাচিলিপট্টনম, বিজয়াৱাদা, গুন্টুৰ, নৰসৰাওপেট, বাপাটলা, অংগোলে, নন্দিয়াল, কুৰ্নুল, নেল্লোৰ, তিৰুপতি, ৰাজাম্পেট, চিটুৰ , হিন্দুপুৰ, অনন্তপুৰ, কুড্ডাপাহত ভোটদান কৰা হ’ব।

আনহাতে, বিহাৰত ৫ খন লোকসভা আসন আছে, য’ত দৰভংগা, উজিয়াৰপুৰ, সমস্তীপুৰ, বেগুছৰাই আৰু মুংগেৰত ভোটদান কৰা হ’ব। একে সময়তে জম্মু-কাশ্মীৰৰ ১খন আসনত ভোটগ্ৰহণ অনুষ্ঠিত হ’ব।

ইয়াৰ উপৰিও মধ্যপ্ৰদেশৰ ৮খন লোকসভা আসনত ভোটগ্ৰহণ অনুষ্ঠিত হ’ব, য’ত আছে দেৱাছ, উজ্জয়িন, মন্দসৌৰ, ৰাতলাম, ধৰ, ইন্দোৰ, খাৰগোনে আৰু খাণ্ডৱা। লগতে মহাৰাষ্ট্ৰৰ ১১খন আসনত ভোটগ্ৰহণ অনুষ্ঠিত হ’ব, য’ত আছে নন্দুৰভৰ, জলগাঁও, ৰেভাৰ, জালনা, ঔৰংগাবাদ, মাভাল, পুনে, শ্বিৰুৰ, আহমেদনগৰ, শিৰদী আৰু বীদ।

একে সময়তে ওড়িশাৰ ৪ খন লোকসভা আসনত ভোটগ্ৰহণ অনুষ্ঠিত হ’ব, য’ত আছে কালাহাণ্ডী, নবাৰংপুৰ, বেৰহামপুৰ, কোৰাপুট। আনহাতে, তেলেংগানাৰ ১৭খন আসনত ভোটগ্ৰহণ কৰা হ’ব, য’ত আদিলাবাদ, পেড্ডাপল্লী, কৰিমনগৰ, নিজামাবাদ, জহীৰাবাদ, মেডাক, মলকজগিৰি, ছিকুন্দৰাবাদ, হায়দৰাবাদ, চেভেলা, মহাবুবনগৰ, নলগোণ্ডা, নাগাৰকুৰনুল, ভংগীৰ, ৱাৰংগল, মহাবুবাবাড আৰু খাম্মাম আদি আসনত ভোটদান কৰা হ’ব। য’ত ১৩ মে’ত চতুৰ্থ পৰ্যায়ৰ ভোটগ্ৰহণ অনুষ্ঠিত হ’ব।

ইউ পিৰ ১৩খন লোকসভা আসনত চতুৰ্থ পৰ্যায়ত ভোটদান কৰা হ’ব শ্বাহজাহানপুৰ, খেৰী, ধৰুহাৰা, সীতাপুৰ, হৰদয়, মিছৰিখ, উন্নাও, ফাৰৰুখাবাদ, ইটাৱা, কননাউজ, কানপুৰ, আকবৰপুৰ আৰু বাহৰেইচত। ইয়াৰ সমান্তৰালকৈ পশ্চিম বংগৰ বাহাৰমপুৰ, কৃষ্ণনগৰ, ৰানাঘাট, বর্ধমান পূর্বা, বর্ধমান-দুর্গাপুৰ, আছানছল, বলপুৰ, বীৰভূমকে ধৰি ৮খন আসনত ভোটগ্রহণ অনুষ্ঠিত হ’ব৷

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *