২০২৪ ত কেনেকৈ ভোট লাভ কৰিব? NDAৰ সাংসদক ভোট লাভৰ মন্ত্ৰণা দি মোদীয়ে ক’লে, আমাৰ টাৰ্গেট এইসকল লোকেই’ কিন্তু এইসকল কোন?

২০২৪ ত কেনেকৈ ভোট লাভ কৰিব? NDAৰ সাংসদক ভোট লাভৰ মন্ত্ৰণা দি মোদীয়ে ক’লে, আমাৰ টাৰ্গেট এইসকল লোকেই’ কিন্তু এইসকল কোন?

Facebook
Twitter
LinkedIn
Facebook
Twitter
LinkedIn

NB NEWS- এখনৰ পাছত আনখন বৈঠক। সন্মুখত লোকসভা নিৰ্বাচন। লোকসভা নিৰ্বাচনৰ প্ৰাকক্ষণত সকলোৱেই নিজা নিজা ৰণনীতি তৈয়াৰ কৰাত ব্যস্ত হৈ পৰিছে। প্ৰধানমন্ত্ৰী মোদীয়েও আয়োজন কৰিছে এখনৰ পাছত আনখন বৈঠক। বুধবাৰে মাজনিশাও বৈঠকৰ আয়োজন কৰে প্ৰধানমন্ত্ৰী মোদীয়ে। লোকসভা নিৰ্বাচনত এইবাৰ বিজয় সাব্যস্ত কৰা সহজো নহ’ব সেয়ে এইবাৰ আগতীয়াকৈ সাংসদসকলক মোদীয়ে দিছে বিজয় লাভৰ মন্ত্ৰণা। প্ৰধানমন্ত্ৰী মোদীয়ে এই সভাৰ পূৰ্বে নিউ মহাৰাষ্ট্ৰ সদনত উত্তৰপ্ৰদেশ আৰু মধ্য, পূৱ অঞ্চলৰ ৪৫ জনতকৈ অধিক সাংসদক মাতি বৈঠকৰ আয়োজন কৰিছিল। ইয়াৰ পাছতেই দ্বিতীয় লানি বৈঠকৰ আয়োজন কৰিছিল দক্ষিণৰ সাংসদসকলৰ সৈতে। বুধবাৰে নিশা তৃতীয় লানি বৈঠকে এতিয়া দৃষ্টি কাঢ়িছে দেশৰ ৰাজনীতিৰ সৈতে জড়িত প্ৰায়সংখ্যক লোকৰেই।

বৈঠকত মোদীয়ে ১৮-২০ মিনিটৰ এটা ভাষণ আগবঢ়ায়। ভাষণত মোদীয়ে সাংসদসকলক দিছে নিৰ্বাচনত জয়ী হোৱাৰ কেইবাটাও টিপছ। মোদীয়ে ভাষণত কয়, দৰিদ্ৰ লোকসকলৰ বাবে কাম কৰক তেতিয়া জনতাই ভোট দিবই। ইয়াৰোপৰি প্ৰধানমন্ত্ৰীয়ে কয়, সকলো সাংসদে জনসাধাৰণৰ মাজত সক্ৰিয় হওক, তৃণমূল পৰ্যায়লৈ যাওক। আঁচনিসমূহো দৰিদ্ৰলোকৰ মাজলৈ লৈ যাওক। অকল গ’লেই নহ’ব তেওঁলোকৰ মতামত ল’বলৈকো চেষ্টা কৰক।

বিৰোধীৰ চৰকাৰ থকা ঠাইত বেলেগ ৰণনীতি
প্ৰধানমন্ত্ৰী মোদীয়ে দক্ষিণ ভাৰতৰ ৰাজ্যসমূহৰ সাংসদসকলক দিছে বিশেষ উপদেশ। বিৰোধী শাসিত ৰাজ্যসমূহৰ বাবে পৃথক ৰণনীতি তৈয়াৰ কৰিছে মোদীয়ে। প্ৰধানমন্ত্ৰী মোদীয়ে কয় যে, যিকেইখন ৰাজ্যত বিজেপিৰ চৰকাৰ নাই সেই ৰাজ্য চৰকাৰসমূহে কেন্দ্ৰীয় আঁচনিসমূহ ৰূপায়ণত বিশেষ সাহায্য লাভ নকৰে সেয়ে এন ডিএৰ সাংসদসকলে সেই ৰাজ্যসমূহৰ সাধাৰণ লোকসকলক কেন্দ্ৰীয় চৰকাৰৰ আঁচনিসমূহৰ লাভালাভত গুৰুত্ব প্ৰদান কৰা উচিত।

তৃণমূল পৰ্যায়ত গৈ সাংসদে উৎসৱ পাৰ্বনত অংশ লওক

এন ডি এৰ সাংসদসকলক প্ৰধানমন্ত্ৰী মোদীয়ে জনতাৰ সৈতে উৎসৱ পাৰ্বন পালন কৰিবলৈ পৰামৰ্শ দিছে। নিজা সমষ্টিৰ লোকসকলক উৎসৱ পাৰ্বনত নিমন্ত্ৰণ কৰক। ইয়াৰ জৰিয়তে সাধাৰণ লোকসকলৰ মাজত তেওঁৰ প্ৰভাৱ বিস্তাৰিত হ’ব। জনতাৰ আপোনাৰ প্ৰতি ভাল ভাৱ আনিবলৈকে এনে কৰা উচিত।

মোদীয়ে এন ডি এৰ সাংসদসকলক ১১ টা গোটত বিভক্ত কৰিছে

বিজেপিয়ে এন ডি এৰ সাংসদসকলক ১১ টা গোটত বিভক্ত কৰিছে। প্ৰধানমন্ত্ৰীয়ে সোমবাৰে দুটা গোটৰ সাংসদসকলৰ সৈতে বাৰ্তালাপত মিলিত হৈছিল। প্ৰথম গোটৰ মিটিঙত উত্তৰ প্ৰদেশৰ পশ্চিম আৰু কানপুৰ-বুন্দেলখণ্ডৰ সাংসদসকলে অংশগ্ৰহণ কৰিছিল, আনহাতে দ্বিতীয় মিটিঙত পশ্চিমবংগ, ওড়িশা আৰু ঝাৰখণ্ডৰ সাংসদসকলে অংশগ্ৰহণ কৰিছিল।
এন ডি এৰ সাংসদসকলৰ তৃতীয় বৈঠক মহাৰাষ্ট্ৰ সদনত অনুষ্ঠিত হৈছিল। য’ত গোৰখপুৰ, কাশী আৰু আৱাধ প্ৰদেশৰ ৪৮ জন সাংসদ উপস্থিত আছিল। বিশেষ বৈঠকখন কেন্দ্ৰীয় মন্ত্ৰী অনুপ্ৰিয়া পেটেল আৰু মহেন্দ্ৰ পাণ্ডেই আয়োজন কৰিছিল। গৃহমন্ত্ৰী অমিত শ্বাহ আৰু প্ৰতিৰক্ষা মন্ত্ৰী ৰাজনাথ সিঙ মুখ্য অতিথি হিচাপে বৈঠকত উপস্থিত আছিল।

প্ৰধানমন্ত্ৰী মোদীয়ে নিৰ্বাচনত একতাৰ আহ্বান জনাইছে

সূত্ৰৰ ৰিপৰ্ট অনুসৰি, বৈঠকত প্ৰধানমন্ত্ৰীয়ে এন ডি এৰ সাংসদসকলক নিৰ্বাচনী প্ৰস্তুতি আৰম্ভ কৰিবলৈ উপদেশ দিছে। সকলো সাংসদে তেওঁলোকৰ নিজ নিজ এলেকাত এটাকৈ কল চেণ্টাৰ স্থাপন কৰিব লাগে। ইয়াৰ জৰিয়তে, তেওঁলোকে কেন্দ্ৰ, ৰাজ্য চৰকাৰ আৰু তেওঁলোকৰ দ্বাৰা কৰা কামৰ তীব্ৰ প্ৰচাৰ কৰা উচিত।

বিৰোধী দলসমূহৰ ওপৰত প্ৰধানমন্ত্ৰী মোদীৰ আক্ৰমণাত্মকসূচক মন্তব্য

প্ৰধানমন্ত্ৰী মোদীয়ে বৈঠকৰ সময়ত বিৰোধীক আক্ৰমণ কৰি কেইবাটাও মন্তব্য কৰিছে। প্ৰধানমন্ত্ৰীয়ে কয় যে, বিৰোধীয়ে চৰকাৰৰ বিৰুদ্ধে তীব্ৰ প্ৰচাৰ আৰম্ভ কৰিছে। ন ন কৌশলেৰে প্ৰচাৰ চলাই আছে। এই প্ৰচাৰক প্ৰতিৰোধ কৰিবলৈ এন ডি এৰ সাংসদসকলে পেছাদাৰী সামাজিক মাধ্যম বিশেষজ্ঞৰ পৰা সামাজিক মাধ্যমৰ জ্ঞান লওক। লোকসভা নিৰ্বাচনলৈ যিহেতু বেছিদিন নাই, সেয়েহে এতিয়া নতুন নতুন কৌশলেৰে প্ৰচাৰ অভিযান আৰম্ভ কৰক। অধিক কাম কৰাৰ পৰিৱৰ্তে আপুনি কৰা পুৰণি কামবিলাকৰ বিষয়ে জনতাক অৱগত কৰাওক।

প্ৰধানমন্ত্ৰী মোদীয়ে সাংসদক শিকালে ভোট লাভৰ কৌশল

প্ৰধানমন্ত্ৰীয়ে সাংসদসকলৰ সৈতে আয়োজিত বৈঠকত কয়, ‘আমি দৰিদ্ৰসকলৰ বাবে কাম কৰি ভোট লাভ কৰিম। বিৰোধীসকলক জাতিগত ৰাজনীতি কৰিবলৈ দিয়ক, কিন্তু আমাৰ বাবে মাত্ৰ এটা জাতি আছে আৰু সেয়া হৈছে দৰিদ্ৰসকল। আমি দৰিদ্ৰসকলৰ কল্যাণৰ বাবে কাম কৰিব লাগিব।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *