মা শব্দটো শুনিব নোখোজে জাপানৰ ৪২ শতাংশ মহিলাই! সন্তানবিমুখতাই অন্ধকাৰ ভৱিষ্যতৰ দিশেৰে লৈ গৈছে জাপানক

মা শব্দটো শুনিব নোখোজে জাপানৰ ৪২ শতাংশ মহিলাই! সন্তানবিমুখতাই অন্ধকাৰ ভৱিষ্যতৰ দিশেৰে লৈ গৈছে জাপানক

Facebook
Twitter
LinkedIn
Facebook
Twitter
LinkedIn

NB NEWS- ২০০৫ চনত জন্মগ্ৰহণ কৰিছিল এনে বহু জাপানী মহিলাই যিসকলে কোনো দিন সন্তান জন্ম দিব নোৱাৰে। এইসকল এতিয়া জাপানৰ সামাজিক পৰিস্থিতিৰ পৰিপন্থী হৈ উঠিব পাৰে। এই কথা বাৰে বাৰে প্ৰচাৰ কৰিছে জাপানৰ বিভিন্ন সংবাদমাধ্যমে। জাপানৰ বিভিন্ন সংবাদমাধ্যমৰ প্ৰতিবেদন অনুসৰি ২০০৫ চনত জন্ম লোৱা যুৱতী মহিলাই কেতিয়াও মা শব্দটো শুনিবলৈ নাপাব। জাপানত এনে মহিলা বা যুৱতীৰ সংখ্যা প্ৰায় ৪২ শতাংশ।

জাপানী সংবাদমাধ্যম ‘নিক্কে’ই জনোৱা অনুসৰি জাপানৰ ভৱিষ্যত অন্ধকাৰৰ ফালে ঢাল খাইছে। ‘নিক্কে’ইৰ প্ৰতিবেদন অনুসৰি জাপানৰ ‘নেশ্ব্যনেল ইনষ্টিটিউট অৱ পপুলেশ্বন এণ্ড ছচিয়েল চিকিউৰিটি ৰিচাৰ্ছ’ৰ এক গৱেষণাত প্ৰকাশ কৰা অনুসৰি ২০০৫ চনত জন্ম লোৱা মহিলাসকলৰ ৪২ শতাংশই মাতৃ হ’ব নোৱাৰে।

ৰিপৰ্ট অনুসৰি জাপানী পুৰুষৰ মাজতো বিবাহৰ প্ৰতি অনিহা বাঢ়িছে। ১৮ বছৰ বয়সীয়া বেছিভাগ পুৰুষেই জনোৱা অনুসৰি তেওঁলোকে পিতৃ হ’ব নোখোজে। জাপানৰ পুৰুষ আৰু মহিলাৰ মাজত সন্তান জন্ম দিয়াৰ অনীহাৰ কাৰণেই এই পৰিস্থিতিৰ উদ্ভৱ হৈছে বুলি গৱেষণাত প্ৰমাণিত হৈছে। আমেৰিকা আৰু ইউৰোপতো একেই ঘটনা। গৱেষণাই কৈছে যে, প্ৰথম বিশ্বৰ দেশসমূহে অৰ্থনীতিৰ দিশৰ পৰা আগবাঢ়ি গ’লেও সন্তান আৰু বিবাহৰ দিশটোত তেওঁলোক পিছুৱাই গৈছে। পশ্চিমীয়া বহু দেশত ১৯৭০ চনত জন্মগ্ৰহণ কৰা মহিলাসকলৰ প্ৰায় ১০ শতাংশৰ পৰা ২০ শতাংশলৈকে সন্তান ধাৰণ কৰা নাই। জাপানত এই সংখ্যা ২৭ শতাংশৰ ওচৰেপাজৰে। আগন্তুক সময়ত এই পৰিসংখ্যা আৰু বৃদ্ধি হ’ব বুলিও জনাইছে জাপানে।

জাপান চৰকাৰে তৰুণ প্ৰজন্মক সন্তানধাৰণৰ বাবে উৎসাহিত কৰিবলৈ প্ৰচেষ্টা কৰিছে। পুৰুষসকলক বিবাহৰ প্ৰতি উৎসাহী কৰি তুলিবলৈকো চেষ্টা কৰিছে চৰকাৰে। এনেকৈ সন্তানবিমূখ হৈ গৈ থাকিলে জাপানৰ ভৱিষ্যত অন্ধকাৰ হৈ পৰিব। সেয়ে চৰকাৰে যুৱতী আৰু যুৱকক সন্তান ধাৰণ আৰু বিবাহৰ বাবে উৎসাহী কৰাবলৈ চেষ্টা অব্যাহত ৰাখিছে।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *