‘বয়স হ’লেই নাৰীয়ে খোলামেলা পোছাক নিপিন্ধিব সেয়া পুৰুষতান্ত্ৰিক ধাৰণা’ শিক্ষকতা এৰি অন্তৰ্বাসৰ মডেল হ’ল ৫০ বছৰীয়া মহিলা…

‘বয়স হ’লেই নাৰীয়ে খোলামেলা পোছাক নিপিন্ধিব সেয়া পুৰুষতান্ত্ৰিক ধাৰণা’ শিক্ষকতা এৰি অন্তৰ্বাসৰ মডেল হ’ল ৫০ বছৰীয়া মহিলা…

Facebook
Twitter
LinkedIn
Facebook
Twitter
LinkedIn

NB NEWS, ফেশ্বন জগতঃ ৫০ত ভৰি দিয়াৰ পাছতেই সকলোৰে মনত অৱসৰ লোৱাৰ কথাই আহে৷ চাকৰিয়ালসকলেই নহয় ব্যৱসায়ীসকলেও নিজকে কিছু সময় দিয়াৰ চিন্তা কৰে৷ সম্পূৰ্ণ ব্যতিক্ৰমীভাৱে এগৰাকী মহিলাই ৫০ বছৰৰ পাছত আৰম্ভ কৰিছে অন্য এক জীৱন৷ এনে এক পেছাক বাছি লৈছে যি পেছা পঞ্চাছ উৰ্ধৰ এগৰাকী মহিলাই বাছি ল’ব পাৰে বুলি আপুনি কল্পনাও কৰিব নোৱাৰে৷ ৫০ অতিক্ৰম কৰাৰ পাছতেই গীতা নামৰ মহিলাগৰাকীয়ে প্ৰাক-প্ৰাথমিক বিদ্যালয়ৰ চাকৰিৰ পৰা স্বেচ্ছাই অৱসৰ লৈ নামি পৰিছে মডেলিঙৰ ক্ষেত্ৰত৷ সাধাৰণ মডেলো নহয়, তেওঁ মহিলাৰ অন্তৰ্বাসৰ মডেলিং কৰে৷ সাধাৰণতে অন্তৰ্বাসৰ বিজ্ঞাপনত কমবয়সীয়া যুৱতীকেই দেখা যায়৷ কিন্তু গীতা সম্পূৰ্ণ বিপৰীত৷ সাধাৰণতে এই বিজ্ঞাপনত বয়সীয়াল মহিলাৰ চাহিদা নিচেই ক’ম৷

সাধাৰণতে অন্তৰ্বাসৰ বিজ্ঞাপনত খোলামেলা পোছাকত কমবয়সীয়া মডেলকেই কল্পনা কৰে সাধাৰণ জনতাই৷ সেই প্ৰত্যাহ্বান গ্ৰহণ কৰি গীতাই কৈছে, ‘আমাৰ দৰে পুৰুষতান্ত্ৰিক দেশত পুৰুষতন্ত্ৰৰ শিঁপাডাল বহুত গভীৰলৈ শিঁপাই আছে৷ এটা নিৰ্দিষ্ট বয়সৰ পাছত নাৰীয়ে ভদ্ৰ পোছাক পৰিধান কৰিব লাগে বুলিয়েই আমাৰ মনত সোমাই আছে৷ এই ধাৰণাক একে ৰাতিৰ ভিতৰত সলাই পেলোৱা কাৰোপক্ষে সম্ভৱো নহয়৷ এই ধাৰণা সলনি কৰিবলৈ কিছু সময়ত প্ৰয়োজন আছে৷’

বহু তাচ্ছিল্যসূচক প্ৰশ্নৰ মুখামুখি হৈয়ো মডেলিঙৰ জগতত আগবাঢ়িছে গীতা৷ সৰুৰেপৰাই গীতাৰ সপোন আছিল মডেলিং কৰা৷ জীৱনৰ ৫০ টা বসন্ত অতিক্ৰম কৰাৰ পাছতো গীতাই সেই স্বপ্নটোক বিদায় দিব নিবিচাৰে৷ ২০১৯ চনত ‘ইণ্ডিয়া ব্ৰেনী বিউটি’ নামৰ এক সৌন্দৰ্য প্ৰতিযোগীতাত প্ৰথম মডেলিং কৰে গীতাই৷ প্ৰথম ৰেম্পত খোজ দিয়েই গীতাই পাইছিল দ্বিতীয় স্থান৷ তাৰপাছতেই গীতাই চাকৰি বাদ দি মডেলিঙকেই পেছা হিচাপে বাছি লৈছে৷

চাকৰি এৰাৰ পাছতেই তেওঁ অন্তৰ্বাসৰ মডেলিং আৰম্ভ কৰে৷ ২০২১ বৰ্ষত সংবাদ মাধ্যমৰ সন্মুখত তেওঁ পোনতে মন্তব্য কৰি কৈছিল, ‘মডেল হোৱাৰ বহুত ইচ্ছা আছিল কিন্তু পৰিয়ালৰ তৰফৰ পৰা কেতিয়াও চাপৰ্ট পোৱা নাছিলো৷ গ্লেমাৰ ইণ্ডাষ্ট্ৰীত মহিলা সুৰক্ষিত নহয় বুলিয়েই এই জগতত ভৰি দিব পৰা নাছিলো৷ ৫০ পাৰ হোৱাৰ পাছত এই সুযোগ পাইছো৷ সৌন্দৰ্য প্ৰতিযোগীতাত দ্বিতীয় স্থান পোৱাৰ পাছত ফটোগ্ৰাফাৰৰ নজৰ মোৰ ওপৰত পৰিল৷ তেতিয়াই মডেলিং এজেন্সিৰ পৰা ফোন পাবলৈ ধৰিলো৷ দিল্লীৰ এজন ফটোগ্ৰাফাৰে মোক প্ৰথম কেমেৰাত বন্দী কৰিলে৷ প্রথমটো ফটোশ্বুটতেই মই অন্তৰ্বাসৰ মডেল হোৱাৰ অফাৰ পালো৷ অন্তৰ্বাসৰ মডেল হোৱাৰ বাবে বহুতে সমালোচনা কৰিছে যদিও বহুতেই মোৰ পদক্ষেপক শলাগিছে৷’

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *