খেল চাবলৈ সাজু মুখ্যমন্ত্ৰী হিমন্ত বিশ্ব শৰ্মাৰ লগতে ৰাজ্যপালো! IPL চাবলৈ যোৱাৰ পূৰ্বেই এইকেইটা নিৰ্দেশনা পঢ়ি লওক অন্যথা প্ৰৱেশ কৰিব নোৱাৰিব ষ্টেডিয়ামত…

খেল চাবলৈ সাজু মুখ্যমন্ত্ৰী হিমন্ত বিশ্ব শৰ্মাৰ লগতে ৰাজ্যপালো! IPL চাবলৈ যোৱাৰ পূৰ্বেই এইকেইটা নিৰ্দেশনা পঢ়ি লওক অন্যথা প্ৰৱেশ কৰিব নোৱাৰিব ষ্টেডিয়ামত…

Facebook
Twitter
LinkedIn
Facebook
Twitter
LinkedIn

NB NEWS, গুৱাহাটী সংবাদঃ IPLৰ জ্বৰত আক্ৰান্ত এতিয়া ৰাজ্যবাসী৷ বুধবাৰে অৰ্থাৎ আজি গুৱাহাটীৰ বৰ্ষাপাৰা ষ্টেডিয়ামত অনুষ্ঠিত হ’ব খেল৷ প্ৰথমবাৰৰ বাবে ৰাজ্যত অনুষ্ঠিত হ’ব লগা IPLত মুখামুখি হ’ব ৰাজস্থান ৰয়েলছ আৰু পঞ্জাব কিংছ৷ সন্ধিয়া ৭.৩০ বজাৰ পৰা আৰম্ভ হ’ব খেল। দৰ্শকৰ বাবে প্ৰৱেশ দ্বাৰ খুলি দিয়া হ’ব আবেলি ৪ বজাত। বতৰে বিধি-পথালি নিদিলেই হ’ল বুলি খেল চাবলৈ সাঁজু হৈছে ৰাজ্যৰ বহু ক্ৰিকেটপ্ৰেমী৷

খেলৰ পূৰ্বে আছে সাংস্কৃতিক অনুষ্ঠানৰ কাৰ্যসূচীও। কণ্ঠশিল্পী প্ৰিয়ংকা ভৰালীৰ লগতে উত্তৰ পূবৰ কেইবাটাও সাংস্কৃতিক দলে পৰিৱেশন কৰিব অনুষ্ঠান। লগতে থাকিব লেজাৰ শ্ব’। জানিব পৰা মতে, এই খেলখন উপভোগ কৰিব অসমৰ ৰাজ্যপাল গোলাপ চান্দ কাটাৰিয়া আৰু মুখ্যমন্ত্ৰী হিমন্ত বিশ্ব শৰ্মায়ো৷

ইফালে, খেলক লৈ জাৰি কৰা হৈছে কেতবোৰ পথ নিৰ্দেশনা৷ আজি পুৱা ১১ বজাৰ পৰা ৬ এপ্ৰিলৰ নিশা ১ বজালৈ ১৭ আৰু ২৭নং ৰাষ্ট্ৰীয় ঘাইপথত গধূৰ যান–বাহন চলাচল কৰিব নোৱাৰিব। একে আজাদ ৰোড আৰু একে দেৱ পথত বাণিজ্যিক আৰু তিনিচকীয়া বাহন দুপৰীয়া ১ বজাৰ পৰা প্ৰৱেশ কৰিব নোৱাৰিব। গে’ট নম্বৰ ৩ৰ পাছ থকাসকলে বৰ্ষাপাৰা তিনিআলি হৈ সোমাব লাগিব ষ্টেডিয়ামত। গে’ট নং ৪ৰ পাছ থকাসকলে ভূপেন হাজৰিকা পথ হৈ আহিব লাগিব। পাৰ্কিঙৰ বাবে চম্পাৱতী ফিল্ড, গণেশপাৰা ফিল্ড, আমবাৰী ৰংপথাৰ, লুটিমা ফিল্ড আদি স্থান নিৰ্ধাৰণ কৰা হৈছে।

আনহাতে ষ্টেডিয়ামলৈ সামগ্ৰী নিয়াতো আৰোপ কৰা হৈছে বাধা। ষ্টেডিয়ামৰ ভিতৰত নিব নোৱাৰিব পানীৰ বটল, লাইটাৰ, শীতল পানী জাতীয় খাদ্য, বাদ্যযন্ত্ৰ, লোহাৰ বাকচ, আতচবাজি, সকলো ধৰণৰ মাৰণাস্ত্ৰ, হেলমেট, বেগ বা যিকোনো সামগ্ৰী৷ অন্য দৰ্শকক আমনি দিব পৰা সকলো সামগ্ৰী নিয়াতেই বাধা আৰোপ কৰা হৈছে৷

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *